Blas Parera

Blas Parera (* 3. Februar 1776 in Murcia, Provinz Murcia; † 7. Januar 1840 in Mataró, Provinz Barcelona) weer en spaansch Komponist un Schöpper vun de argentiensch Natschonalhymne.

Blas Parera

Leven

Blas Parera wurr an’ 3. Februar 1776 as Söhn vun Ramón Parera un Bernarda Morat in Murcia, Spanien, boren. He is in Mataró upwussen, wo he dat Colegio de Santa Anna besöcht hett, in dessen Orchester he ok spelen dee. 1793 is he nah Amerika utwannert un hett sück veer Johr later in Buenos Aires daallaaten.

Van 1802 bit 1803 weer Parera as Karkenmusiker an de Kark San Francisco in Montevideo, Uruguay, tätig. Dornah gung he weer nah Buenos Aires torüch un nehm en Tätigkeit as Perfesser an dat „Colegio de Niños Expósitos“ up. Buterdem hett he as Organist an verscheeden Karken in Buenos Aires arbeit, dorünner de Catedral Metropolitana de Buenos Aires. Tosätzlich geev he Konzerte, komponeer verscheeden Couplets un hett af 1806 dat Orchester „Coliseo Provisional de Comedias de Buenos Aires“ leit.

As Freewilliger hett he sück an de Verteidigung vun Buenos Aires wiels de Britisch Invasion bedeeligt.

1809 hett he en vun sien Schölerinnen, Facunda del Rey, heiraadt.

In de folgend veer Johren hett Parera an en Hymne för de Vereenigte Provinzen vun den Río de la Plata arbeit. He hett mehrere Kompositschonen schafft, dorünner ok de„Marcha Patriótica“ (Patriotischer Marsch), de later to de argentiensch Natschonalhymne wurr.

In’n Juli 1813 is he nah Rio de Janeiro gahn, um bi Marcos Antonio Portugal to studeeren. 1815 kehr he nah Buenos Aires torüch, wo denn ok sien Söhn Juan Manuel boren wurrr. Later wurr he noch Vader vun twee Döchter (Dolores un Juana).

1818 truck Parera torüch nah Spanien, wo he sück in Mataró daal leet. Bit 1830 hett he dor bi de Post arbeit. An‘n 7. Januar 1840 is he in Mataró storven un wurr dor ok bisett.

Literatur

• Víctor de Rubertis: Pequeño Diccionario Musical. Ricordi, Buenos Aires 1981, ISBN 978-950-22-0190-0.
• Josep M. Bernades: Els Catalans a les Indias (1493-1830). Generalitat de Catalunya, Barcelona 1991 (3 Bde.).
• Pedro Grases, Pere Molas Ribalta: 200 Catalans a les Amèriques (1493-1897). Generalitat de Catalunya, Barcelona 1988.
• Ramon Salas y Oliveras: Presencia mataronina al Río de la Plata a las darreries del siglo XVIII y primera mitad del XIX. Dalmau, Barcelona 1977, ISBN 84-232-0113-9.
• Carlos Vega: El Himno Nacional Argentino. Creación, difusión, autores, texto y música. Neuaufl. EDUCA, Buenos Aires 2005, ISBN 987-119042-5 (nich afännert Nahdruck vun de Utgaav Buenos Aires 1962).

Weblenken

• Alvaro Abós: La música de Blas Parera sigue sonando. In: La Nación vom 9. Juni 2006 (afropen an’n 2. April 2009).