Blaue Aante

De Blaue Aante (Hymenolaimus malacorhynchos) is en Vagel ut de Familie vun de Aantenvagels. De meisten Forschers rekent ehr to de Halfgöse to, man dat gifft ok Wetenschopslüde, de meent, se weer ehrder to de Swemmaanten to to reken. Se ist tohuse in Neeseeland un steiht up de Rode List vun de Aarden, de in Gefohr sünd, ut to starven.

Blaue Aante, Blaue Oont
Blaue Aante
Systematik
Ünnerstamm: Warveldeerten (Vertebrata) Klass: Vagels (Aves) Ornen: Gösevagels (Anseriformes) Familie: Aantenvagels (Anatidae) Ünnerfamilie: Halfgöse (Tadorninae) Tribus: Merganettini Oort: Blaue Aante
Wetenschoplich Naam
Hymenolaimus malacorhynchos
Gmelin 1789

Blaue Aanten in den Zoo vun Auckland

Kennteken

Hier hannelt sik dat um de eenzigste Aante mit en leigrau Fedderkleed bi. Dat Lief is bit to 53 cm lang. Wegen deit se 775 bit 900 g.

Wie se leven deit

Tomeist fritt düsse Standvagel Larven vun Insekten (as vun Muggen, Steenflegen un Eendagflegen). Se spöört de up bi dat Dükern unner Water. Man ok boven up dat Water snabbelt se rüm un grunnelt ok up’n Grund. Mit de scharpen Ränner vun ehren Snavel kann se ok Algen vun Steen un Felsblöcke schrapen.

Wo se vörkamen deit

De laue Aante leevt in Neeseeland in kulle, helle Beken, wo dat Water gau strömen deit un man wenig annere Vagels vörkaamt.

Weblenken

• Biller un Filme (Engelsch)