Bo Welch

Robert W. „Bo“ Welch III (* 30. November 1951 in Yardley, Pennsylvania) is en US-amerikanschen Szenenbillner un Artdirector.

Leven un Wark

Welch hett 1979 bi’n Film to arbeiden anfungen. Sien eerst Wark weer de Filmkummedie Head Over Heels, bi de John Heard de Hööftrul speelt harr. Welch Weer in de Kru, de sik üm dat Utstatten to sorgen harr. 1983 weer he denn as Artdirector un Szenenbillner togang. He hett denn an Filmen mitarbeite as Steven Spielberg sien The Color Purple, för de he dat eerste mol för den Oscar nomineert worrn is. Annere bekannte Filmen, bi de he mitverantwoortlich weer, weern Ghost Busters, Beetle Juice, Men in Black oder Wild Wild West. Twüschen 1987 un 2002 hett he bi föffteihn Filmen mit de Artdirectorsche Cheryl Carasik tosamenarbeit.

In’t Johr 2003 hett sik Welch as Speelbaas versöcht an den Kinnerfilm Dr. Seuss’ The Cat in the Hat. Spood harr he dormit aver nich, in’n Gegendeel hett em de Film en Nomineeren för de Golden Himbeer inbröcht. Ok de Film sülvst weer as slechtsten Film vörslahn.

Privat is Welch siet 1992 mit de kanaadschen Schauspelersche un Dreihbookschrieversche Catherine O’Hara verheiraat. Se hebbt tohopen twee Kinner.

Filmografie (Utwahl)

Johr	Titel	Funkschoon
1979	Head Over Heels dt.: Hals über Kopf	Utstatter
1983	The Star Chamber dt.: Ein Richter sieht rot	Artdirector
1984	Swing Shift dt.: Swing Shift – Liebe auf Zeit	Artdirector
1985	The Color Purple dt.: Die Farbe Lila	Artdirector
1986	Violets Are Blue… dt.: Liebe ist nur eine Illusion	Artdirector Szenenbillner
1987	The Lost Boys	Szenenbillner
1988	Beetle Juice dt.: Beetlejuice	Szenenbillner
1989	Ghost Busters II dt.: Ghostbusters II	Szenenbillner
1990	Edward Scissorhands dt.: Edward mit den Scherenhänden	Szenenbillner
1992	Batman Returns dt.: Batmans Rückkehr	Szenenbillner
1995	A Little Princess dt.: Die Traumprinzessin	Szenenbillner Helpsmann vun’n Speelbaas
1996	The Birdcage dt.: The Birdcage – Ein Paradies für schrille Vögel	Szenenbillner
1997	Men in Black	Szenenbillner
1999	Wild Wild West	Szenenbillner
2000	What Planet Are You From? dt.: Good Vibrations – Sex vom anderen Stern	Szenenbillner
2002	Men in Black II dt.: Men in Black 2	Szenenbillner
2003	Ein Kater macht Theater dt.: Dr. Seuss’ The Cat in the Hat	Speelbaas
2008	Space Chimps dt.: Space Chimps – Affen im All	Szenenbillner
2009	Land of the Lost dt.: Die fast vergessene Welt	Szenenbillner
2011	Thor	Szenenbillner
2012	Men in Black 3	Szenenbillner

Utteken

Bo Welch weer för sien Arbeiten bi’n Film bit hüüt (Stand: Juli 2012) teihnmol för Filmpriesen vörslahn, dorünner veermol för den Oscar in de Kategorie Best Szenenbild. Wunnen hett he twee vun de Priesen:

• 1992: den BAFTA Film Award in de Kategorie Best Szenenbild för Edward Scissorhands
• 1995: den LAFCA Award in de Kategorie Best Szenenbild för A Little Princess

Weblenken

• Bo Welch in de Internet Movie Database (engelsch)