Men in Black (Film)

Men in Black (op Platt soveel as „Mannslüüd in Swart“) is de Titel vun en US-amerikaansche Science-Fiction-Film un Kummedie ut dat Johr 1997 mit Barry Sonnenfeld as Speelbass. Dat Filmthema baseert op en Minireeg vun Malibu Comics, de de Veswörenstheorie üm de Men in Black op de Schipp nimmt.

Filmdaten
Plattdüütsch Titel:	—
Originaltitel:	Men in Black
Düütsch Titel:	Men in Black
Produkschoonsland:	USA
Johr vun’t Rutkamen:	1997
Läng:	94 Minuten
Originalspraak:	Engelsch
Öllersfreegaav in Düütschland:	FSK 12
Filmkru
Speelbaas:	Barry Sonnenfeld
Dreihbook:	Ed Solomon
Produkschoon:	Laurie MacDonald Walter F. Parkes
Musik:	Danny Elfman
Kamera:	Donald Peterman
Snitt:	Jim Miller
Szenenbild:	Bo Welch
Kledaasch:	Mary E. Vogt
Dorstellers
Tommy Lee Jones: Agent K Will Smith: Agent J Linda Fiorentino: Dr. Laurel Weaver Vincent D’Onofrio: Edgar Rip Torn: Agent Z Tony Shalhoub: Jack Jeebs Siobhan Fallon: Beatrice Mike Nussbaum: De Arquilliaansch Juweleer Sergio Calderón: José Carel Struycken: Arquillianer

Mit en Budget vun 90 Millionen US-Dollar hett de Film alleen in de USA al ruchweg 250 MIllionen US-Dollar inspeelt. Op de helen Welt weren dat sogors 590 Millionen US-Dollar, wat em na de IMDb op Rang 40 vun de spoodrieksten Kinofilmen vun all Tieten maken deit (Stand Anfang Januar 2008).

In’t Johr 2002 geev dat mit Men in Black II en wieteren Film, de an den eersten anslutt. Mit Men in Black 3 is 2012 noch en drüdden Deel rutbröcht worrn.

Inholt

James Edwards is Polizist in New York City. As he een Dag en Verbreker nalöpt un an’n enn stellen kann, maakt he to sien Överraschen de Opdecken, dat he keen Minsch verfolgt hett, man en Butenirdischen. Natüürlich glövt em dat nümms, man korte Tiet later nimmt de mysteriöse Agent K Kuntakt to em op, de em för siene Geheemorganisatschoon „Men in Black“ anwarven will. Edwards geiht dorop in un kriggt de Steed.

Und so kriggt he Inblick in Saken, de de normale Börger nich weten dröff: Butenirdische leevt al siet Johrteihnten op de Eer, de Agent K as en Oort „Casablanca ahn Nazis“ beschrifft. Butenirdische ut all Delen vun de Galaxie künnt op de Eer Asyl beandragen un hier Toflucht finnen. De „Men in Black“ is de Behöörd, de de Inwannerers verwalten und kontrolleeren deit. Se stellt de Ophollensverlööfnissen ut un sorgt dorför, dat sik de Butenirdischen nich to dull blangen de Spoor bewegt un illegale Inwannerers wedder afschaven warrt. Nadem Edwards all Markmolen los is, de an sien fröheret Leven denken helpt, is he nu Liddmaat bi de „Men in Black“, kriggt nu de Beteken Agent J un arbeit an de Siet vun Agent K.

Bald al mööt sik de beiden üm en Resenkackerlaak kümmern, de nich rechtens na de Eer kamen is un op de Söök is na en Mini-Galaxie, de se nich in de Hannen kriegen dröff. Mit Help vun ünnerscheedliche Sünnerutrüsten un futuristische Wapen versöökt J un K den Fiend doran to hinnern, de Mini-Galaxie to kriegen un hebbt dormit opletzt ok Spood.

Bi jemehr Arbeit hebbt se ok mit de Pathologin Dr. Weaver to kriegen, in de sik J verkieken deit, un de sik bi de Jagd as helpriek wiesen deit.

Kritik

Lexikon vun’n Internatschonalen Film: Eine ironisch-circensische Persiflage auf das Science-Fiction-Genre, die durch ihre optische Brillanz ebenso verblüfft wie durch ihre stupende Zitierwut. Bei aller ausgelassenen Fabulierlust findet der Film zwangsläufig zu keiner inhaltlichen Vertiefung, bietet aber stets kurzweilige Unterhaltung.

Utteken

De grode Spood, den de Film harr, wiest sik ok in de Grode Tall vun Filmpriesen för de he nomineert weer un de he deelwies ok wunnen hett. All in all achtteihn Utteken hett de Film kregen, dorünner ok een Oscar, un he för nomineert för wietere 28 Filmpriesen. Wunnen hett de Film (Utwahl):

• 1998: den Oscar in de Kategorie Best Make-up för Rick Baker un David LeRoy Anderson.
• 1998: den Golden Satellite Award in de Kategorie Beste Speelfilm – Animatschoon oder mischt Media.
• 1998: den MTV Movie Award in de Kategorie Beste Kamp för Will Smith.
• 1998: den MTV Movie Award in de Kategorie Best Filmleed för Will Smith.
• 1998: den BMI Film Music Award för Danny Elfman.
• 1998: den Empire Award in de Kategorie Beste Film.
• 1998: den Blockbuster Entertainment Award in de Kategorie an’n leevsten höört Filmmusik.
• 1998: den Blockbuster Entertainment Award in de Kategorie leevste Schauspeler – Science Fiction för Will Smith.
• 1998: den Saturn Award in de Kategorie Beste Musik för Danny Elfman.
• 1998: den Saturn Award in de Kategorie Best Science-Fiction-Film.
• 1998: den Saturn Award in de Kategorie Best Nevendorsteller för Vincent D’Onofrio .
• 1997: den Bogey Award in Platin.
• 1997: de Golden Lienwand mit Steern.

Weblenken

• Men in Black in de Internet Movie Database (engelsch)