Bob Jungels
Bob Jungels (* 22. September 1992 in Rollingen bi Mersch) is en luxemborgsch Radrennfohrer.
Karriere ännern
Nah eenig Erfolgen in de Jöögd un as Amateur kreeg Jungels 2013 sien eerst Verdrag bi en UCI ProTeam, bi RadioShack Leopard. Glieks in sien eerst Johr wunn he mit den Gran Premio Nobili Rubinetterie sien eerst Rennen in de eerst UCI-Kategorie un mit een Deelstreck van de Luxemburg-Rundfohrt sien eerst Rennen hors categorie. Buterdem wurr he ok noch Landsmeester in dat Straatenrennen un in dat Eenzeltietfohren.
2015 wunn he de Gesamtwertung van dat Deelstreckenrennen Étoile de Bessèges.
Bi den Giro d’Italia 2016 wunn Jungels dat Maglia Bianca van den besten Nahwussfohrer un keem in de Gesamtwertung up den 6. Platz, noch vör Rigoberto Uran, nahdem he up dree Deelstrecken sogor de Gesamtführung harr un somit dat Maglia Rosa draagen kunn.
Ok 2017 kunn he bi den Giro dat Maglia Bianca winnen, keem in de Gesamtwertung up Platz 8 un droog ok för fiev Daag dat Maglia Rosa. Dorto kunn he bi dit Deelstreckenrennen ok noch de 15. Deelstreck up sien Naam schrieven.
Sien bit dorhen gröttste Spood gelung hüm 2018, as he dat Rennen Lüttich-Bastogne-Lüttich winnen dee vör den Kanadier Michael Woods un de beid Franzosen Romain Bardet un Julian Alaphilippe.
