Bordeaux

Dit Woort hett noch annere Bedüden: kiek dorför ünner Bordeaux (Mehrdüdig Begreep).

Bordeaux [[bɔʀˈdo]] (okzitaansch Bordèu) is en Stadt in’n Süüdwesten van Frankriek. Se is en Universitätsstadt un politisch, wertschaplich un geistig Zentrum van de Gegend.

Wapen/Flagg

Koort

Basisdaten

Communauté Urbaine de Bordeaux, Arrondissement Bordeaux, Gironde

Flach:

49,36 km²

Inwahners:

261.804

Inwahnerdicht:

5.304 Inwahners pro km²

Postleettall:

33000, 33100, 33200, 33300, 33800

Geograafsche Laag:

Koordinaten:44° 50′ N, 0° 35′ O44° 50′ N, 0° 35′ O

Grenzen bi OSM:

105270

Börgermeester:

Pierre Hurmic

Websteed:

https://www.bordeaux.fr

Hör Inwahner nömmt sück sülvst Bordelais. Bekannt is de Stadt dör den Bordeauxwien un hör Kööken, aber ok dör hör bolich un kulturell Arv. Bordeaux is Seet van den Arzbischop van Bordeaux, van de Präfektur van dat Département Gironde un Hööftstadt van de Region Nouvelle-Aquitaine. Se hett ok den Roop van en heimlich Hööftstadt van Frankriek, wat mit doran licht, dat se wiels Invasionen dör Düütschland in vergangen Tieden, tatsächlich ok Regeerensseet weer.

Bordeaux an sück hett 249.712 Inwahner (Stand: 1. Januar 2015) up en Flach van 49,36 km². De engere Ballungsruum Bordeaux kummt aber up rund 720.000 Inwahner, dorto hörrn denn aber ok 26 umliggen Kommunen, de in den Kommunalverband Bordeaux Métropole organiseert sünd.

Disse Verband is aber ok weer en Deel van en Agglomeratschoon, de den wiederen Intoogberiek mit all tosommen 51 Kommunen umfaat un de dat up meest 840.000 Inwahner bringt. Bordeaux is dormit de gröttste Stadt in dat Département Gironde un de Region Aquitanien un de negentgröttste Stadt in Frankriek.

Bordeaux liggt etwa 45 Kilometer van den Atlantik entfernt, an den Stroom Garonne, de sück in en wieden Bagen (as en Maandsichel) dör de Stadt treckt. Dordör kreeg de Stadt ok den Binaam Port de la lune (Haben van den Maand). Wenige Kilometer stroomafwärts vereenigt sück de Garonne mit den Stroom Dordogne to den över 70 Kilometer langen Münnenstrichter Gironde. So kummt dat, dat man in de Stadt sogor Ebbe un Floot hett, wobi de Stroompegel um 4 bit 5 Meter anstiegen und fallen deiht.

Historie ännern

De Stadt geiht up en keltisch Siedlung ut dat 3. Johrhunnert vör Chr. torüch, de nahderhen ünner de Römer Burdigala nömmt u nto de Hööftstadt van de Provinz Aquitania maakt wurr. In disse Tiet wurr Bordeaux mächtig, wat mehrere hunnert Johren anhollen dee. Oorsaak weern ok doormals all de Wienbo un ok de günstig Laag as Seehaben. Da dorum liggen Umland dörg eegentlich nich för en Besiedlung. Dor weer völ Sump - dat aquitaansch Woort burd steiht för Sump – un weer van Malaria versüükt. Bordeaux is somit en Bispeel för en Stadtgrünnen ut Strategie.

De Via Aquitania verbunn Bordeaux över Toulouse mit Narbonne, de öllere Via Agrippa verbunn de Stadt mit Lyon un dor mit de Zentren Augusta Treverorum, Colonia Claudia Ara Agrippinensium un Massilia. Nah Reiseberichten moot de Stadt dormals riek un prächtig ween hemm. Nah de Völkerwanderung mit Plünderungen und Verwüstungen weer dat denn aber ok vörbi.

Bekannt Lüüd ut de Stadt ännern

Francis Castaing (*1959), Radrennfohrer
Pierre Gaviniès (1728-1800), Vigelienspeler un Komponist
Georges Rayet (1939-1906), Astronom

Weblinks ännern

Bordeaux – Frankreichs offizielle Website (düütsch)
Website van de Stadt Bordeaux (franzööösch)