Boske

Boske (ok Boschen) is en plattdüütschen Vörnaam för Jungs.

Herkamen

De Naam kümmt ünner Umstänn vun Naams mit dat Woort „Borg“ dor in, as Borg-hardt (starke Borg) un „Borg-wart“ (Borgwachter). Man in dat 6. Johrhunnert gifft dat bi de Franken al den Naam Boso. Kann ok angahn, dat de Naam vun düssen Naam herkümmt.

De plattdüütsche Naam

Kann angahn, dat ole Naams mit twee Sülven (as Borgwart) afkört wurrn sünd to en Form as Bose oder Boso, kann avers ok angahn, dat düsse (fränksche?) Naam övernahmen wurrn is. To'n Lüttjermaken as Smusenaam keem dor dat Diminutiv-Anbacksel -ke an. So is dor de Naam Boseke vun wurrn. Later is dat e afslepen wurrn, denn bleev dor bloß noch de Naam Boske över. Vunwegen unnerscheedliche Utspraak un Schriewwiesen is dor ok de Form Boschen bi rutkamen.

Plattdüütsche Tonaams

Ut den Vörnaam Boschen is denn de plattdüütschen Tonaam Boschen vun maakt wurrn. De bedüüt denn so veel, as Ut Boschen siene Familie oder Vun Boschen sien Hoff

Kiek ok bi

• List vun plattdüütsche Vörnaams

Weblenken

• Wofaken un woneem de Vörnaam in Düütschland vörkummt: Boske, Boschen

De Artikel „Boske“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.