Braken (Holt)

De Braken is en üm un bi 654 Hektar groot Woold twischen de Öörd Harsfeld, Ohlers un Kommerbusch in’n Landkreis Stood. De kumplette Naam von dat Naturschuulrebeed is sied 1989 Naturschuulrebeed Braken, Harslah, Kahl Moor un Wild Moor. Sied 2000 is de Braken ok ünner de europääsche Fauna-Flora-Habitat-Richtlien schuult. Dat Rebeed driggt dat Kennteken NSG LÜ 175.

Bodden ännern

De Woold liggt op’n Rügg von de Zevener Geest un is en Bornrebeed för en Reeg Beken. De Bodden is vör allen staufuchtigen bet staunatten, deelwies ok stark wesselfuchtigen un good mit Nehrstoff versorgten Steenmergel, de deelwies mit Sand överlagert is. Temlich stark von’t Grundwater afhängig is dat Daal von’n Brakenbeek. In’n Süüdoosten reckt de Utlöpers von dat Kahle Moor in den Braken rin.^[1]

Planten ännern

De Woold von’n Braken hett to’n groten Deel den olen Bestand wohrt, de hier sied de Tied von’n europääschen Oorwoold al jümmer wussen is. Dat sünd Eken-Bökenwoold, Hasenbrood-Bökenwoold, Möösch-Bökenwoold, atlantschen suren Bökenwoold mit Krattholt ut Hülsbusch un Ievenbööm, Stroombusch mit Ellern un Eschen jüstso as Moorwoold. Veel rore Planten (to’n Bispeel Blaue Ööschen) kaamt dor vör.

Geschicht ännern

De Braken kummt al in’t Middelöller in de Oorkunnen vör. He hett de Benediktinermönk’ von dat Klooster Harsfeld tohöört. Welk Delen von’n Braken sünd in’t 20. Johrhunnert mit Nadelbööm opplant worrn, aver de fuchtige Bodden hett dor för sorgt, dat de olen Oorden to’n groten Deel bleven sünd.

Footnoten ännern

[1] Text to’n Braken bi dat NLWKN.

[1]