Brian Paul Schmidt

Brian Paul Schmidt (* 24. Februar 1967 in Missoula, Montana, USA) is en US-amerikaansch/austraalsch Astronom. 2011 kreeg he den Nobelpries för Physik.

Brian Schmidt (2011)

Interview mit Schmidt nah sien Nobelvörleesen

Biografie

Schmidt is in Montana un Alaska upwussen. He hett Physik un Astronomie an de University of Arizona studeert un 1993 an de Harvard University mit en Arbeit över Typ-II-Supernovae, betrüet vun Robert Kirshner sien Doktertitel (Ph.D.) maakt. Siet 1995 arbeit he in Australien an dat Mount-Stromlo-Observatorium un siet 1999 an de Australian National University.

Schmidt leit dat High-z Supernova Search Team, een vun de beid Teams, de Enn' vun de 1990er Johren ut dat Meeten vun de Helligkeit vun feern Supernovae vun den Typ Ia faststellt hemm, dat sück de Expansion vun dat Universums beschleunigt. Disse Opdecken weer Utlöser vun de hüüdig Söök nah de Natuur vun de Düstere Energie. Neben Supernovae interesseert sück Schmidt för Gammablitze un is wetenschaplich Baas vun dat Skymapper-Projekt to'n Bau vun en Dörmusterungsteleskop för den Süüdhimmel.

2011 kreeg he gemeensam mit Saul Perlmutter un Adam Guy Riess den Nobelpries för Physik. Würdigt wurr dormit hör Opdecken vun de beschleunigt Expansion vun dat Universum dör dat Beobachten vun feern Supernovae.

Utteeken

• 2006: Shaw Prize
• 2007: Gruber-Pries för Kosmologie
• 2011: Nobelpries för Physik
• 2012: Dirac Medal (UNSW)

Weblenken

Brian Schmidt. Mehr Biller, Videos oder Audiodateien to’t Thema gifft dat bi Wikimedia Commons.

• Brian Paul Schmidt in de Internet Movie Database (engelsch)
• Homepage vun Brian Schmidt