Brigitte Escherhausen

Brigitte Escherhausen (* 7. Dezember 1936) is en düütsche Politikerin von de SPD.

Escherhausen is 1936 in Westprüßen boren. Ehr Familie is 1945 ut’n Kreis Strasburg in Westprüßen flücht un toeerst in Wist ünnerkamen. Later hebbt se in Neendamm leevt. Escherhausen hett denn bi de Post arbeidt. Se weer von 1990 bet 2001 Börgermeestersche von de Stadt Oosterholt-Scharmbeek. An’n 30. November 2006 is se ut’n Stadtraad von Oosterholt-Scharmbeek utscheden, nadem se vörher över 30 Johr Raadsfroo ween is. Bet 2002 weer se ok teihn Johr lang Maat in’t Präsidium von’n Neddersassischen Städerdag. In’n Landkreis Oosterholt weer se Viez-Landraad un in Scharmbeekstotel Biornte un Oortsvörsteiherin.

2006 hett se de Willy-Brandt-Medallje von de SPD kregen. 1992 al hett se den Outstanding Civilian Service Award von de US-amerikaansche Armee kregen, nadem se sik in de Tied von’n Tweten Golfkrieg för de Familien von amerikaansche Soldaten ut de Lucius-D.-Clay-Kasern in Garlst insett harr. In’n Januar 2007 hett se dat Verdeenstkrüüz an’t Band von’n Verdeenstorden von de Bundsrepublik Düütschland kregen.