Landkreis Oosterholt

De Landkreis Oosterholt is en Landkreis in Neddersassen. He hett 113.517 Inwahners (Stand 31. Oktober 2019).

Wapen/Flagg

Koort

Basisdaten

Sitt:

Oosterholt-Scharmbeek

650,73 km²

113.517 (31. Oktober 2019)

Inwahnerdicht:

173,2 Inwahners pro km²

Geograafsche Laag:

53° 15′ N, 8° 49′ O

Grenzen bi OSM:

62399

Kennteken:

OHZ

Kreisslötel:

03356

Gemenen in’n Kreis:

11

Landraad:

Bernd Lütjen (SPD)

Websteed:

www.landkreis-osterholz.de

NUTS-Code:

DE936

Geografie

De Landkreis Oosterholt liggt bi de Werser in’n Süüdwesten von dat Elv-Werser-Dreeeck.

Na Oosten to grenzt de Kreis an’n Landkreis Rodenborg, in’n Süüdoosten an’n Landkreis Veern un in’n Süden an de Stadt Bremen. In’n Westen liggt de Landkreis Wersermasch güntsied de Werser. In’n Noorden is de Landkreis Cuxhoben.

Historie

De Landkreis is 1932 grünnt worrn, as de Kreise Blomendal un Oosterholt to en ne’en Kreis tohoopslaten worrn sünd.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Oosterholt op Landkreis Oosterholt ännert.

Wapen

Dat Wapen wiest op sülvern Grund un op en blauen Schildfoot von Wellenlienen en swart Boot. Op’n Schildfoot liggt en sülvern Slötel.

Inwahnertallen

Johr	Inwahners
1933-00-001933	80.216
1939-00-001939	41.529
1950-00-001950	73.407
1969-00-001969	80.600
1980-00-001980	93.700
1990-00-001990	96.000
2006-00-002006	112.498
2011-00-002011	111.876

Politik

Kreisdag

In’n Kreisdag doot 46 Lüüd sitten.

Sitten in’n Kreisdag
Johr	CDU	SPD	Gröne	Wählergemeenschop	Börgerfraktion	Linke Alternative	FDP	Leendaler WG
15. September 1996	17	21	5	1	1	-	1
9. September 2001	16	21	4	2	1	-	2
10. September 2006	17	20	5	1	1	1	3
11. September 2011	13	17	9	1	2	2	1	1

Landrääd

Landraad	Partei	Tied
Otto Stegemann		1932–1933
Paul Freiherr von Hodenberg		1933–1934
Karl Lampe		1934–1936
Ernst Ender		1936–1938
Düsing		1938–1939
Waldemar Becker		1939–1945
August Lange	SPD	11. Juni 1945–14. März 1946
Louis Biester	SPD	15. März 1946–31. Oktober 1946
Wilhelm Ahrens	NLP/DP	1. November 1946–31. März 1949
Johann Christian Evers	DP	1. April 1949–4. Mai 1964
Hinrich Winters	CDU	8. Juni 1964–14. Januar 1968
Albert Reiners	CDU	15. Januar 1968–20. November 1972
Walter Schlüter	SPD	21. November 1972–29. November 1981
Heinrich Blanke	CDU	30. November 1981–20. November 1991
Ludwig Wätjen	SPD	21. November 1991–31. Dezember 2004
Jörg Mielke	ahn Partei	1. Januar 2005–19. Februar 2013
Bernd Lütjen	SPD	27. September 2013–

Böverkreisdirekters

Naam	Tied
Heinrich Horstmann	21. Juni 1946–31. Oktober 1946
Otto Stegemann	6. Januar 1947–31. Dezember 1953
Hermann Brünjes (kommissarsch)	1. Januar 1954–30. September 1954
Jasper-Wilhelm Gottschalk	2. August 1954–30. Mai 1974
Hans-Dieter von Friedrichs	1. Juni 1974–31. Dezember 2004

Partnerschoppen

De Landkreis Oosterholt hett in’n April 2006 en Partnerschop mit’n Powiat Marienwerder in Polen slaten.

Städer un Gemenen

Laag von de Gemeen Landkreis Oosterholt in’n Landkreis Oosterholt (Koort lett sik anklicken)

Inwahners an’n 31. Dezember 2010.

Eenheitsgemenen:

Grasbarg (7595)
Leendaal (18.364)
Oosterholt-Scharmbeek, Stadt (30.198)
Hu’e (14.658)
Swonewebel (19.904)
Worpsweed (9407)

Samtgemenen:

Samtgemeen Hambargen (11.750)

Ax (1114)
Hambargen (5484) (Seet von de Verwalten)
Holste (1358)
Lübbs (737)
Vollerso (3057)

Weertschop un Infrastruktur

Verkehr

Dör den Landkreis Oosterholt geiht de Autobahn 27, de in’n Süden na Bremen geiht un in’n Noorden na Cuxhoben. De twete wichtige Straat is de Bundsstraat 74, de in’n Süden na Bremen löppt un in’n Noorden na Bremervöör.

De Landkreis Oosterholt is as Dreger tostännig för üm un bi 196 Kilometer Kreisstraten un 148 Kilometer Radweeg (Kreisstraten in’n Landkreis Oosterholt).

Polizei

De Landkreis Oosterholt höört binnen de Polizeidirekschoon Ollnborg von de Polizei Neddersassen to de Polizeiinspekschoon Oosterholt/Veern, de in Veern sitten deit. Dor doot mehr as 450 Lüüd arbeiden. Dat Polizeikommissariat Oosterholt in Oosterholt-Scharmbeek is 24 Stünnen an’n Dag besett. De annern Polizeistatschonen hebbt blots in de Week to normale Warktieden apen. Polizeistatschonen gifft dat in: Grasbarg, Hambargen, Leendaal, Hu’e, Swonewebel un Worpsweed.

Bet 2004 weer Oosterholt noch en egen Polizeiinspekschoon.

Weblenken

Landkreis Oosterholt. Mehr Biller, Videos oder Audiodateien to’t Thema gifft dat bi Wikimedia Commons.

Websteed von’n Landkreis (hoochdüütsch)

Landkreisen un kreisfre’e Städer in Neddersassen