Bruce Edward Melnick

Bruce Edward Melnick (* 5. Dezember 1949 in New York City, New York) is en ehmalger US-amerikansch Astronaut un Offizier vun de United States Coast Guard.

Offiziell Nasa-Foto

Utbillen ännern

Nah sien High-School-Afsluss 1967 hett Melnick Ingenieurwesen studeert. Tonächst hett he dat Georgia Institute of Technology besöcht, bevör he to de Coast Guard Academy nah Connecticut wesseln dee. Vun dor kreeg he 1972 en Bachelor in dat Fack Ingenieurwetenschap. Dornah belegg he an de University of West Florida dat Fack Luftfohrttechnik un kreeg 1975 en Master.

Melnick weer 20 Johr lang Angehöriger vun de amerikaansch Küstenwaak. Ünner annern weer he Operatschonsoffizier un Testpilot.

NASA-Tätigkeit ännern

Melnick wurr in’n Juni 1987 in de Astronautengrupp 12 (The GAFFers) vun de NASA upnommen. He kreeg dor en Utbillen as Missionsspezialist un hett in verscheeden Ünnerstüttensmannschapen an dat Kennedy Space Center arbeit.

Sien eersten Weltruuminsatz hett Melnick as Liddmaat vun de Mannschap vun STS-41 harrt. Kommandant bi disse Mission weer Richard Noel Richards, de Pilot Robert Donald Cabana. De anner Crew-Liddmaaten weern William McMichael Shepherd und Thomas Dale Akers. Wiels disse Mission wurr de bitlang swoorste Brukklast, de Ruumsonde Ulysses, utsett. Ulysses is en Gemeenschapsprojekt vun de NASA un de ESA to de Erforschung vun de Sünn.

Van' 7. bit 16. Mai 1992 nehm Melnick ünner dat Kommando vun Daniel Charles Brandenstein an de Mission STS-49 deel. Dat weer de Jumfernfloog vun de Ruumfähre Endeavour. As Pilot weer Kevin Patrick Chilton insett. Dorto keemen de Missionsspezialisten Pierre Joseph Thuot, Kathryn Ryan Cordell Thornton, Richard James Hieb un Thomas Dale Akers. Teel vun disse Mission weer, den twee Johr tovör start Kommunikatschoonssatelliten Intelsat VI-F3 för en Reparatur to bargen. Eerst mit den darten Butenbordinsatz (EVA) kunn de Satellit toletzt vun Hand infangen wurrn. Dorto mussen to'n eersten un eenzig Mal in de amerikaansch Ruumfohrt, dree Astronauten to glieker Tiet utstiegen. Nah dat Infangen kreeg Intelsat en neen Apogäumsmotor, dormit he sien vörsehn geostatschonäre Umloopbahn recken kunn. Bi en wiedere EVA wurrn Strukturen un Warktüüch utprobeert.

Insgesamt hett Melnick 12 Daag, 23 Stünn un 27 Minüüt (ca. 300 Stünn) in’t All vebrocht. He weer de eerste Astronaut vun de amerikaansch Küstenwaak.

Nah de NASA ännern

1992 is Melnick sowohl ut de Küstenwaak as ok ut de NASA utscheeden un gung to de Lockheed Space Operations Company. 1994 wessel he to United Space Alliance, 1996 zu McDonnell Douglas, de 1997 mit Boeing vereenigt wurr. Melnick weer an dat Kennedy Space Center för all Deenstleistungen tostännig, de Boeing dor för de NASA un dat US-Verteedigungsministerium leisten dee. Dat weern nich blots de Bruuklasten vun dat Space Shuttle, sonnern ok vun Delta-Raketen. Melnick is to’n 1. April 2007 bi Boeing utscheeden.

Sonstiges ännern

An 28. April 2001 kreeg Melnick en Ehrendokterwürde vun de University of West Florida för sien Verdeensten um de Naturwetenschapen. He wahnt mit sien Frau un zwee Kinner up Merritt Island (Florida).

Weblinks ännern

  Bruce Edward Melnick. Mehr Biller, Videos oder Audiodateien to’t Thema gifft dat bi Wikimedia Commons.