Bruker Diskuschoon:Slomox/Plattgrenzen

Op disse Siet staht de Daten, mit de de Koort ünner [1] tekent warrt. Dat plattdüütsche Spraakrebeet na’n Stand vun 1880, as Georg Wenker sien Düütschen Spraakatlas trech maakt hett. In de Nedderlannen geiht de Koort na de Koort vun streektaal.net ([2]). Achter de Grenz na Polen un in de Ümgegend vun Berlin hett disse Grenz blots histoorschen Weert.

De Grenzen folgt in’n Westen de Isogloss vun’n Eenheitsplural, vun dor af an, woneem de Spraakgrenz mit de Benrather Lien tohoopdrippt, folgt se disse Lien.

De Koort wiest de Volksspraak, wat de Lüüd tohuus snackt hebbt. Plattdüütsch weer toglieks aver ok in dat Saterland un in Noordfreesland Regionalspraak, also dat, wat de Lüüd mit Frömme (ut annere Dörper, nich ganz frömme) snackt hebbt.

Wat noch fehlt

Grenz to de Polen un Litauers (bi'n Wenker-Atlas nich intekent), Spraakinseln buten de Nedderlannen un dat Düütsche Riek (för Plautdietsche: [3].

Mutt mi noch wat infallen laten, wat ik mit de USA un Kanada maak. Dor hebbt de Lüüd ja man kene Kolonien grünnt, anners as in Oosteuropa un Süüdamerika. Dor gifft dat blot Konzentratschoonszentren. Belleville (Plattdeutsche Prärie, Westfalen), German Valley (Oostfresen), Little Oldenburg (Ollnbörger), Grand Island (Holsteners), Holstein (Missouri), Westphalia (Indiana), Freeport (Illinois), Quincy (Illinois), Kohl City (Missouri; Neu Kohlstädt), Detmold (Maryland), Town of Hermann (Wisconsin), Neu Detmold (Washington D.C.), Sheboygan County (Wisconsin; Lippers) ...

• Arroio do Padre [4]
• Kolonien bi Mariupol: 12 Mennonitendörper + Planer Kolonien: 11 luthersche un 6 kathoolsche Dörper vun Lüüd ut Preußen

Wenn de Koordinaten weniger as söss Stellen na dat Komma hebbt, denn geevt de Koordinaten blot groff de Region an.