Buddhismus
De Buddhismus is en Lehrtraditschoon un Religion, de ehrn Oorsprung in Indien hett. Se is je nah Born mit etwa 230 bit 500 Millionen[1][2][3] Gläubigen (nah Christendom, Islam un Hinduismus) de veertgröttste Religion up de Eer. De Buddhismus is hööftsächlich in Süüd-, Süüdoost- un Oostasien verbreet. Etwa en Veertel vun all Buddhisten leevt in China.[2]
De Buddhisten beropen sück up de Lehren vun Siddhartha Gautama, de in Noordindien leevt hett, nah den hüüd in Forschung vörherrschenn Dateerensansätzen in dat 5. un mögelkerwies noch in dat fröh 4. Johrhunnert v. Chr. He wurrd as „historsch Buddha“ betekent, um hüm vun mythisch Buddha-Gestalten to ünnerscheeden, de nich historsch betüügt sünd. „Buddha“ (wörtlich „Erwachter“) is en Ehrentitel, de sück up en Erlevnis betreckt, dat as Bodhi („Upwaaken“) betekent wurrd. Meent is dormit nah de buddhistisch Lehre en fundamentale un befreend Insicht in de Grundtatsaaken vun all Leven, ut de sück dat Överwinnen vun dat leedhaften Dorsien ergifft. Disse Erkenntnis nah dat Vörbild vun den historschen Buddha dör Befolgen vun sien Lehren to erlangen, is dat Teel vun de buddhistisch Praxis. Dorbi wurrd vun de beid Extreme Askese un Hedonismus, aber ok generell vun Radikalismus afraaden, völmehr sall en Mittleren Weg inslahn wurrn.[4]
De Buddhismus warrt faken as ’n Weltreligion ankeken, man dat kann ok as ’n Philosophie or Lävenswies' ankäken warrn. De Buddhismus is nich-theistisch; dat bedüüd, dat 't vun keen Gott snackt, ofschoonst dat ook nich atheistisch is. Buddhisten glöövt, dat ’n allens mit allens verbunnen sünd, dat ’t keen „Sülvst“ „atmân“ gifft, dat us „Würklichkeit“ ’n Droog or ’n Droom vull vun Saken un Läven is, dat vergahn mutt, vull vun „Leden“ or „Frust“ („dukkha“), dat ’n Minsch na’t Verlichten tosträven will un dörch dat Ennen vun jüm ähr egen „Leden“ or „Frust“ („dukkha“) all de annern Wäsen hülpt. Wichtigste Elementen sünd Leev' („maitri“) un Barmhartigkeit („kâruna“). Nich bloots de Lehr man ook dat Läven un Lehren sülvst heet „dharma“.
Anner Elementen vun disse Religion sünd Acht to geven in't Leven un Vegetarismus. Vele Buddhisten höört ok to ene oder mier anner Religionen. Dat gifft ok Atheisten in disse Religion. In Vietnam un anner Länner in Asien sünd de meesten Lü Buddhisten. In de Volksrepubliek China is de Buddhismus de wahrschienlich tweetgröttste Religion. De Delen vun de Buddhismus sünd de Theravada-Buddhismus, de Mahayana-Buddhismus un de Tantrisch Buddhismus. Ene buddhistische Grupp in China, de noh den Tweet Weltorlog verbaden weer, is de Grupp I-Kuan Tao. Ene grote buddhistische Grupp in Vietnam is Cao Dai.
Weblenken
ännern
- Charles Muller: Digital Dictionary of Buddhism (engelsch)
- Internet Sacred Text Archive: Buddhism (engelsch)
- Online Netzwerk der DBU (Deutsche Buddhistische Union) (hoogdüütsch)
- Axel Michaels: Kommentierte Bibliografie to’n Buddhismus (hoogdüütsch)
- Yasuhiro Sueki: Bibliographical Sources for Buddhist Studies from the Viewpoint of Buddhist Philology. Version 1.4, 2014 International College for Postgraduate Buddhist Studies (engelsch)
- Nuamata Zentrum för Buddhismuskunn an’e Universität Hamborg (Videos un Texten, hoogdüütsch)
Einzelnachweise
ännern- ↑ Encyclopædia Britannica 2005.
- ↑ a b Antall vun de Buddhisten weltwiet (engelsch), afropen an' 16. Januar 2010
- ↑ Religions by adherents: Buddhism (englelsch), afropen an' 26. Januar 2010
- ↑ Hans Wolfgang Schumann: Der historische Buddha. Leben und Lehre des Gotama, München 2004, S. 82f. (mit Quellentext).