Buddy Bolden

Charles Joseph „Buddy“ Bolden (* 6. September 1877 in New Orleans; † 4. November 1931 in Jackson (Louisiana)) weer en US-amerikaansch Kornettist in New Orleans um 1900.

Buddy Bolden sien Jazzband (vun links nah rechts): Jimmy Johnson, Buddy Bolden, Willie Cornish, William Warner; sitzend: Jefferson Mumford und Frank Lewis

Leven un WarkBearbeiten

Bolden sall de legendäre allereerste Bandleader vun den Jazz west ween. Nah de Schilderung von Danny Barker (de Musiker kennen dee, de mit Bolden speelt hemm, as Bunk Johnson) Barbier un Besitter vun en Barbierladen ween hemm, ok wenn he abends un an’n Weekenenn‘ mit sien Band speel. Nah Donald M. Marquis is dat aber woll nich so. De meen, dat Bolden as Plasterer arbeiten dee. Sien Jazzband wurr wohrschienlich 1895 grünnd un hett in New Orleans Paraden un Danzveranstaltungen begleit. Van 1900 bit 1906 weer he de populärste Musiker vun de Stadt. Tietgenossen schillern hüm as en, de en bannig klar un düchtig luuden Sound speel. Schallplattenupnahmen hett hett Bolden nich maakt, so dat dat ok kien Bispelen vun sien Musik gifft.

1907 wurr Bolden in en psychiatrische Klinik upnommen, wo he bit to sien Dood leevt hett (dormalige Diagnose Dementia praecox, alkoholbedingte Psychose). De Leitung vun sien Jazzband hett de Basuunist Frankie Dusen övernommen, de all länger de Band leiten dee un den tonehmend vergeetlichen Bolden sluutend ok entlaaten hett. De Nahfolgeband wurr denn de Eagle Band, nöömt nah den Eagle Saloon an de Eck Perdido und Rampart Street, wo de Band vun Bolden neben den Lincoln Park meest speel (hüüd ünner Denkmalschuul).

De Musiker un Jazzgeschichten-Verteller Jelly Roll Morton hett hüm dat Leed „Buddy Bolden Blues“ widmet, de up Bolden sien Kompositschoon „Funky Butt“ torüch geiht. He is Protagonist vun den Roman „Buddy Boldens Blues“ (Coming Through Slaughter, 1976) vun Michael Ondaatje. Um Buddy Bolden un en (fiktive) Toonwalz, de he 1904 upnimmt, kreis ok de Roman „Tiger Rag“ vun Nicholas Christopher (The Dial Press 2013).

Bolden wurr up en unbekannt Graff up denHolt Cemetery in New Orleans bisett, wo 1998 för hüm en Denkmal upricht wurr. De Verlag buddy’s knife jazzedition hett sück nah hüm nöömt. De wichtige norweegsch Jazzpries Buddyprisen erinnert an hüm.

EhrungenBearbeiten

1988 wurr Buddy Bolden in de Big Band and Jazz Hall of Fame upnommen.

LiteraturBearbeiten

  • Donald Marquis: In search of Buddy Bolden. First man of Jazz. Baton Rouge, Louisiana State University Press 1978, 2005
  • Danny Barker (herausgegeben von Alyn Shipton): Buddy Bolden and the last days of Storyville, Cassell 1998, Continuum 2001

WeblinksBearbeiten

  Buddy Bolden. Mehr Biller, Videos oder Audiodateien to’t Thema gifft dat bi Wikimedia Commons.