Bulbjerg

De Bulbjerg is en 47 Meter över de See hogen Kalkfelsen an de Küst von dat Eiland Vendsyssel-Thy un de Jammerbucht (Deel von dat Skagerrak) in Däänmark. Polietsch liggt de Felsen an de Grenz von de Kommun Thisted un de Kommun Jammerbucht (all beid in de Region Noordjüütland).

Bulbjerg
Bulbjerg von Westen keken Bulbjerg von Westen keken
Barggrupp:
Hööchd:	47 m över de See
Land:	Däänmark
Laag:	Vendsyssel-Thy
Kuntinent:	Europa
Koordinaten:	57° 9′ N, 9° 1′ O

Utsicht von’n Bulbjerg na Westen

Dreetöhnmöwen, de op’n Bulbjerg bröden doot

Bi kloor Weder hett een von’n Bulbjerg Utblick bet na Hanstholm un Rubjerg Knude.

Geologie

De Felsen besteiht ut Bryozoenkalk, de ut dat Danium (66–61,6 Milljonen Johr vör uns Tied) stammt. Dat is een von de wenigen Steden in Däänmark, wo düsse Kalk vördaag kummt. De Landschop is ans von Moränenlehm un Weihsand präägt.

De Bulbjerg weer fröher en Eiland in de Littorinasee, de fröher grote Delen von dat hüdige Thy innahmen hett. Dicht bi’n Bulbjerg hett dat noch bet in dat 12. Johrhunnert en Dörgang na’n Limfjord geven. Dör dat Postglaziale Böhren in de Region warrt dat Rebeed üm un bi 2 mm in’t Johr anhaven. Verbunnen mit dat Anlannen von Sedimenten langs de däänsche Utglieksküst hebbt sik de fröheren Eilannen denn to dat gröttere Eiland Vendsyssel-Thy verbunnen.

Vagelfelsen

De Bulbjerg is de eenzige Vagelfelsen in Jüütland. Dor bröödt vör allen Dreetöhnmöwen. 2008 sünd 300 Poor von düsse Möwen tellt worrn.

Skarreklit

Skarreklit in’n August 1977

Skarreklit in’n Juli 2018

130 Meter vör de Strandlien liggt dat „Skarreklit“. Dat is de Stubben von en Brandungspieler, de sik al in vörgeschichtliche Tied billt harr. de Pieler weer toletzt 16 Meter hoog, is aver in de Nacht op’n 19. September 1978 bi en Harvststorm tohoopbraken, so dat blots noch en lüttjen Felsen över is, de ut dat Water rutkickt.

Historie

Histoorsch weer dat Rebeed Deel von de Han Herred.

In de Johren 1900 is an’n Bulbjerg en Baadhotel boot worrn.

In’n Tweten Weltkrieg hebbt de Düütschen en Bunker op’n Bulbjerg anleggt, de Deel von’n Atlantikwall weer.

An’t Enn von’n Tweten Weltkrieg is dat Baadhotel sprengt worrn.

1996 is in’n Weltkriegsbunker en Utstellung inricht worrn, de över Geologie, Historie un Natur von’n Bulbjerg informeert.

Weblenken

Bulbjerg. Mehr Biller, Videos oder Audiodateien to’t Thema gifft dat bi Wikimedia Commons.