Burglar
Burglar (op Platt so veel as „Inbreker“; dt. Titel: Die diebische Elster) is de Titel vun en US-amerikaansche Filmkummedie vun Hugh Wilson ut dat Johr 1987. De Inholt baseert op den Roman „The Burglar in The Closet“ vun Lawrence Block ut dat Johr 1978. Dreiht worrn is de Film in San Francisco[1]. De Film hett in de Kinos vun de USA ruchweg 16,3 Millionen US-Dollar inspeelt[2].
| Filmdaten | |
|---|---|
| Plattdüütsch Titel: | — |
| Originaltitel: | Burglar |
| Düütsch Titel: | Die diebische Elster |
| Produkschoonsland: | USA Kanada |
| Johr vun’t Rutkamen: | 1987 |
| Läng: | 100 Minuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | Hugh Wilson |
| Dreihbook: | Jeph Loeb Matthew Weisman Hugh Wilson |
| Produkschoon: | Michael Hirsh Tom Jacobson Kevin McCormick |
| Musik: | Sylvester Levay |
| Kamera: | William A. Fraker |
| Snitt: | Fredric Steinkamp William Steinkamp |
| Dorstellers | |
| |
Inholt
ännernBernice Rhodenbarr is Deef vun Beroop. Se hett en Bookladen, den se föhrt üm sik to tarnen, man ehr Geld verdeent se dormit, dat se op Anfraag bi annere Lüüd in’t Huus instiegen deit. Befrünnt is se mit Carl Heller, de Hunnen africhten deit un en sünenrlich Verhollen opwiest.
De Polizist Ray sett Bernie ünner Druck, vun wegen dat he Bewiesen in de Hand hett, mit de he ehr belasten kann. He will vun ehr 20.000 US-Dollar. Üm dat Geld tosamen to bringen, mutt se noch mol wedder in en Huus inbreken. Man, as se jüst dorbi is, den Roof to maken, kummt de Besitter na Huus un warrt kort later ümbröcht, so dat se nu ok noch den Moordverdacht an de Hacken hett.
De Kollegen vun den korrupten Polizisten, Todras un Nyswander, sünd nu dor achteran, dat Rhodenbarr as Moordverdächtige an de Polizei utlevert warrt. Se kann aver op en Polizeimotorrad utrieten un sik na en Verfolgungsjagd dör de Straten vun San Franscisco in Sekerheit bringen.
As se nu op egen Fuust versöcht, ruttofinnen, wokeen den Moord maakt hett, finnt se rut dat dor en Afkaat achter stickt, de wat mit den Doden haar un em ut Iefersucht ümbröcht ümbröcht hett. Se maakt mit den Möörder en Drapen af un de Polizist nimmt heemlich allns, wat se snackt, op Band op. De Afkaat neiht an’t Enn eerst ut, warrt aver vun Bernie, Carl un den Polizist verfolgt. Na en Tweekamp kann Bernie em opletzt ünnerkriegen un ehr egen Unschuld dormit bewiesen.
Kritiken
ännernRoger Ebert hett in de Chicago Sun-Times vun’n 20. März 1987 schreven, dat de Film „gedankenlos“ un „unglücklich“ weer. Whoopi Goldberg weer op de verkehrte Oort un Wies wiest worrn. Ehr Rull harr ok vun en Mann speelt warrn künnt[3].
Dat Lexikon vun’n internatschonalen Film schreev, dat de Film „ünnerhollen“ de. De Geschicht weer „eenfach opboet“, de Dorstellen vun Whoopi Goldberg weer „virtuos“[4].
Borns
ännernWeblenken
ännern- Burglar in de Internet Movie Database (engelsch)
- Kritiken to Burglar op Rotten Tomatoes
- Burglar in’t Lexikon vun’n internatschonalen Film