Buurnhuus
En Buurnhuus is en Huus vun en Buurnhoff. Regional hebbt sik ganz verschedene Typen vun Buurnhüüs rutbillt. Dat Huus mutt normalerwies för dree bet veer Generatschonen Platz beden un faken ok noch för Knechten un Deerns. Ok dat Veeh is in welk Regionen ünner een Dack mit de Lüüd ünnerbröcht, in annere Regionen is dat Veeh extra in Stallen ünnerbröcht. Ok bi Hau un Stroh gifft dat Regionen, de dat ünner een Dack ünnerbringt, anner Regionen hebbt dat extra in Schünen. Dat Neddersassenhuus, dat in grote Delen vun Plattdüütschland begäng is, is en Bispeel, wo allens ünner een Dack is (gifft liekers aver ok Stallen un Schünen).
