CA-11

Straat in Honduras un Guatemala

De CA-11 is en Straat, de to dat Stratennett von de Rutas Centroamericanas tohöört un dör de Staten Honduras un Guatemala föhrt. Binnen Honduras is de Straat 73 Kilometer lang un binnen Guatemala 42 Kilometer.

VerloopÄnnern

De Straat nimmt ehren Anfang an de CA-10 in Vado Hondo (Departamento Chiquimula, Guatemala). Von dor löppt se na Noordoosten över San Juan Ermita, Jocotán, Camotán un El Brasilar dör dat Daal von’n Río Grande de Zacapa (toeerst an’t Süüdöver, denn bi El Brasilar mit en Brügg över’n Stroom un von dor af an an dat Noordöver) bet na Caparjá un El Florido direkt an de Grenz to Honduras. Achter de Grenz (in dat Departamento Copán) löppt de Straat dör Rincón del Buey un Copán Ruinas un dör dat Daal von’n Río Copán (de Straat blifft jümmer an’t Noordöver von’n Stroom) na Santa Rita, El Jaral un El Pedernal, vörbi an’n Aeropuerto de las Ruinas de Copán un dat Dörp Río Amarillo. Bi dat Dörp Tierra Blanca verlett de Straat dat Daal von’n Río Copan un löppt över en Pass in dat Daal von’n Río Chamelecón. De CA-11 föhrt an de Öörd La Esperanza, San Jerónimo, Florida un La Jigua langs (mit Brüggen över Río Tiste un Río Chamalecón bi Florida), föhrt mit en Brügg över’n Río Tepemechín un münnt denn in La Entrada in de CA-4.

De CA-11A von Santa Rosa de Copán na Marcala warrt as separate Straat föhrt.