Caperdonich
| Caperdonich | |
|---|---|
| Land | Schottland |
| Region | Speyside |
| Tyyp | Malt |
| Status | stillleggt (2002); afreten (2010) |
| Besitter | Pernod Richard |
| Grünnt | 1898 |
| Grünner | James Grant |
| Waterborn | Black Burn |
| Washstill(s) | 2 × 11.500 l[1] |
| Spiritstill(s) | 2 × 7.000 l[1] |
Caperdonich weer en Whisky–Brenneree in Rothes, Morayshire, Schottland.
Historie ännern
De Brenneree weer 1898 vun James Grant ünner den Naam Glen Grant No. 2 gegenöver vun de Brenneree Glen Grant grünnt. Beide Destillen weer över en Pipeline mit’nanner verbunnen, bit 1902 Glen Grant No. 2 dat eerste mol dicht maakt weer. Dat bleev se ok bit 1965, as se dör de Glenlivet Distilleries renoveert worrn is un denn ünner den Naam Caperdonich wedder apen maakt weer. 1967 sünd twee wietere Brennblasen inboet worrn, 1977 weer se vun Seagram övernahmen, bit se 2001 an Pernod Ricard verköfft weer. Grote Deelen vun de Anlaag sünd in’n August 2002 stillleggt worrn un en Deel vun’t Land weer verköfft. 2010 is de Brenneree afreten worrn[2]. En wash still un en spirit still ut de Brenneree sünd an de belgische Destille The Owl Distillery verköfft worrn[3] [4], dree Gäärfatten güngen an de Brenneree Wolfburn[5].
Produkschoon ännern
De Caperdonich-Brenneree höör to dat schottische Whiskyrebeet Speyside un kreeg dat Water för de Produkschoon ut den Black Burn (Caperdonich Well). In de Brenneree geev dat een Meeschfatt (mash tun) ut Eddelstahl vun 4,6 t un acht Gäärfatten (wash backs) mit tosamen 184.000 l. Brennt weer in twee wash stills to 11.500 l un twee spirit stills to 7.000 l.
Kiek ok ännern
Borns ännern
- ↑ a b Caperdonich – das hässliche Entlein vun Stefan Völkner, whisky-journal.de, 15. November 2014; afropen an’n 18. Januar 2015
- ↑ Gone But Not Forgotten: Caperdonich joins the Rarest of the Rare collection vun Mark Watt, 4. November 2011; afropen an’n 7. April 2013 (engelsch)
- ↑ 2 Scottish Pot Stills in Belgium; afropen an’n 7. April 2013
- ↑ CAPERDONICH REBORN AT THE OWL DISTILLERY IN BELGIUM vun Ernst J. Scheiner, 17. September 2012; afropen an’n 7. April 2013
- ↑ Rebuilding Wolfburn; afropen an’n 20. Februar 2015
Koordinaten:57° 32′ N, 3° 12′ W