Glen Grant (Brenneree)

Glen Grant is en Whisky-Brenneree in Rothes, Morayshire, Schottland. Se is de öllste in den Oort.

Glen Grant
De Brenneree Glen Grant
Land	Schottland
Region	Speyside
Tyyp	Malt
Status	aktiv
Besitter	Campari-Grupp
Grünnt	1840
Grünner	John un James Grant
Waterborn	Caperdonich Well un Glen Grant Burn
Washstill(s)	4 × 22.730 l
Spiritstill(s)	4 × 11.547 l
Produkschoonsvolumen	5.900.000 l
Websteed	http://www.glengrant.com/

Historie

De Destille is 1840 dör de Bröder John un James Grant grünnt worrn. As den beiden doodbleven weern, hett 1872 de Söhn vun James Grant de Brenneree övernahmen. He hett 1898 de Molteree ümboen laten un op de annern Siet vun de Straat en tweete Brenneree boen laten, de to de Tiet noch Glen Grant No. 2 heten de, later aver in Caperdonich ümnöömt weer. De ne’e Brenneree were 1902 dat eerste mol dicht maakt. Bit dorhen weern beide Brennereen över en Pipeline verbunnen. Glen Grant is 1973 vun veer op söss Brennblasen vergröttert worrn. 1977 keemen noch mol twee dorto, as de Brenneree in’n Besitt vun Seagram weer. Vun 2001 bit 2005 höör de Brenneree to Pernod Ricard, de ehr aver ut rechtliche Grünnen wedder afstöten müss. Vundaag is se in’n Besitt vun de Campari-Grupp.

Produkschoon

Brennblasen vun Glen Grant

De Brenneree Glen Grant höört to dat schottische Whiskyrebeet Speyside. Se nimmt dat Water för de Produkschoon ut den Caperdonich Well un ut den Glen Grant Burn. In de Destille gifft dat en Meeschfatt (mash tun) ut Eddelstahl vun 12 t un teihn Gäärfatten (wash backs) ut Holt, jeedeen to 19.916 l. Brennt warrt in veer wash stills to 22.730 l un veer spirit stills to 11.547 l. De ölleren Brennblasen warrt noch mit Kahl hittmaakt, de ne’eren warrt mit Damp bedreven.

Kiek ok

• List vun de schottischen Brennereen

Literatur

• Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
• Walter Schobert: Das Whiskylexikon. Fischer Taschenbuch Verlag, Frankfort an’n Main. 2003, ISBN 978-3-596-15868-3.

Weblenken

Glen Grant. Mehr Biller, Videos oder Audiodateien to’t Thema gifft dat bi Wikimedia Commons.