Carl Grote
Carl August Grote (* 30. August 1825 in Wienhusen; † 24. März 1895 in Ossenbrügge) weer en düütschen Verwaltungsbeamten.
Von der Grote is 1825 as Söhn von Agnes Louise Elisabeth, borene Schulze (23. August 1805-20. Mai 1892), un Friedrich Georg Ludwig Grote (17. November 1788-1. September 1868) in Wienhusen boren. He hett an de Universität Göttingen Juristeree studeert un dor 1845 dat Corps Hercynia Göttingen mit grünnt. Ok an de Universität Heidelberg hett he en Tied studeert. Na dat Studium is Grote 1852 Auditer in Gifhorn worrn un 1853 Amtsassesser in Hannover. 1860 is he as Polizeiassesser to de Polizeidirekschoon Hannover wesselt. Von 1865 bet 1867 weer he Polizeiraad un Baas von de Polizeidirekschoon Göttingen.
Grote weer von 1868 bet 1877 Amtshauptmann von dat Amt Ibig un denn von 1877 bet 1880 as Nafolger von Theodor Fachtmann Amtshauptmann von dat Amt Oosterholt un Kreishauptmann von’n Kreis Oosterholt. Sien Nafolger weer Hermann Franzius. 1880 is he denn in’n Kreis Ossenbrügge wesselt un hett dor dat sülve Amt hatt. Bi de Verwaltungsreform to’n 1. April 1885 hett he dat Amt as eersten Landraad von’n nee grünnten Kreis Ossenbrügge övernahmen. Dat is he bet to sien Dood 1895 bleven. Sien Nafolger weer August von Liebermann. In Ossenbrügge weer Grote Grünner von de Spoor-, Lehn- un Vörschuss-Kass för den Amtsbezirk Ossenbrügge (höört vondaag to de Spoorkass Ossenbrügge).
Grote weer blangenbi ok bi de Kark aktiv. He weer 1865 Mitgrünner von’n Evangeelschen Vereen in Hannover, weer Liddmaat von dat Landskunsistorjen Hannover un in de Binnenmission aktiv.
1860 hett he Dorothea Christine Caroline Wolff (1840-1925) freet.
