Carl Scholz (Schriever)
Carl Valentin Scholz (* 9. Juli 1927 in Bremen; † 20. Januar 2009) weer en plattdüütschen Schriever.
Scholz is 1927 in Bremen as Söhn von en Slachtermeester boren. In Bremen geit he ok na Volksschool un von 1940 af an op Realschool. Von 1944 bet 1945 is he Soldat un arbeidt denn en Tied as Böter bi de Iesenbahn. 1948 fangt he an as Boarbeider to arbeiden un is von 1950 bet 1959 Helpsmechaniker, Vörarbeider un denn Meester. Von 1959 bet 1972 arbeidt he as Sachbearbedter un maakt 1964 bet 1966 blangenbi en Avendstudium in Maschinenbo. Von 1972 bet 1987 is he denn Stabsstellenleiter för Produkschoonsplanung in Bremen. Blangenbi maakt he von 1976 bet 1978 noch wedder en Avendstudium in Bedrievsweertschop. 1987 geit he in Vörruhestand un is denn fre’en Schriever.
2005 weer Scholz in Riga un schull an de Universität vör Studenten plattdüütsche Texten lesen. Op disse Reis hett he sik wat an de Lung haalt un hett sik nich recht wedder verhaalt. Scholz is an’n 20. Januar 2009 storven.
1996 hett he den Schrieverkring Weser-Ems mitgrünnt un weer dor twölf Johr de Baas von. Scholz hett 1986 den Freudenthal-Pries un 1997 den Borsla-Pries. 2006 is he mit dat Bundsverdeenstkrüüz/Verdeenstkrüüz an’n Band uttekent worrn.
Warken
ännern- Liekut. En Iesenbahngeschicht. Isensee, Ollnborg 1989, ISBN 3-87358-333-X
- Liesbeth oder en Fro is ok'n Minsch. Stuck in dree Akte. Sülvstverlag, Bremen 1989
- Oberuferer Christgeburt-Speel. Steiner, Dornach/Schweiz 1990
- Leven willt wi. Prosa un Gedichten. Holzberg, Ollnborg 1991, ISBN 3-87358-369-0
- Dwarsdör. Dat Schriverkringbook II. tosamenraakt hett dat Carl Scholz, rutgeven von De Spieker, Zwischenahner Autorenverlag, Twischenahn 1993, ISBN 3-928105-05-1
- Festschrift zum 40-jährigen Bestehen des Schrieverkring mit den Referaten einiger Warkeldage. De Spieker, Ollnborg 1993
- Nah Bremen to. Bremer Vertellen. Hauschild, Bremen 1996, ISBN 3-929902-98-2
- Paar Snippels. Ut Carl V. Scholz sien Schrievwarks. Sülvstverlag, Bremen 1997
- Hollweglangs. Gedichten un Texten. Isensee, Ollnborg 1998, ISBN 3-89598-497-3
- Wenn de Pappelbööm singt. 33 plattdüütsche Geschichten. rutgeven in’n Opdrag von’n Kreisheimatbund Deefholt von Traute Dittmann, Schröder, Deefholt 1998, ISBN 3-89728-025-6
- De Bremer Stadtmuskanten = Die Bremer Stadtmusikanten. ein Märchen der Gebrüder Grimm. Bremer Drucksachen-Service Stute, Bremen 1999, ISBN 3-9805616-1-5
- 2000 un mehr. En Anthologie / [tohope raakt hett de Texten Carl V. Scholz]. De överregionaale Schrieverkring Weser-Ems e.V. Schrieverkring, Bremen 2001, ISBN 3-934835-03-1
- Lüttje Upschrievsels. Miniaturen un annerswat. Sequenz-Medien-Produktion, München 2001, ISBN 3-9806749-7-5
- Keen Bang nich... Tragikomödie in einem Akt. Mahnke, Veern 2002
- Mengselpott. Döntje un anner malle Geschichten. Isensee, Ollnborg 2003, ISBN 3-89598-955-X
- Leve Gemeen... Plattdüütsche Predigten un anner Texten. Bonifacius-Druckerei, Norderstedt 2004, ISBN 3-8334-1378-6
- Landesverfaten vun de Free Hansestadt Bremen. Schuster, Leer 2004, ISBN 3-7963-0362-5
CD
ännern- Heribert Langosz: Geistliche Konzerte und Liederzyklen. Na Texten von Carl Valentin Scholz, Langosz, Bremen 1999, Interpreten: Ingrid Sahner-White (Sopran), Heribert Langosz (Tenor)
Weblenken
ännern- Carl Scholz (Schriever) in de Datenbank Die niederdeutsche Literatur (hoogdüütsch)
|
De Artikel „Carl Scholz (Schriever)“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen. |