Volksschool

En Volksschool weer en Form von School, de för de eenfachen Lüüd dor weer. De Volksscholen sünd grünnt worrn, nadem de Schoolplicht inföhrt worrn is un ok de Lüüd op’n Lannen na School gahn schullen.

Ole Volksschool mit man een Ruum in Oostermarsch bi Nörden

Dat Hertogdom Pfalz-Zweibrücken weer 1592 dat eerste Territorium op de Welt, de en allgemene Schoolplicht inföhrt hett. In Prüßen is de Schoolplicht 1717 inföhrt worrn. De Volksscholen weren in de eerste Tied Inrichtungen von de Kark. Eerst in dat 19. Johrhunnert hett de Staat anfungen, de Scholen to övernehmen, wat denn in dat 20. Johrhunnert afslaten weer.

De Volksschool hett in dat 20. Johrhunnert in de Regel acht Johr duurt. Ok lütte Dörper harrn mehrstendeels en egen School.

Mit dat Hambörger Afkamen von 1964 sünd de Volksscholen von Grund- (veer Johr) un Hauptscholen (fiev Johr) aflööst worrn. De Begreep Volksschool dröff blots noch bruukt warrn, wenn en School gliektiedig Grund- un Hauptschool anbaden hett.