Carl Wilhelm Lueder
Carl Wilhelm Lueder (* 21. Juli 1774 in Herzberg; † 9. Januar 1863 in Wene) weer en düütschen Verwaltungsbeamten.
Lueder is 1774 as Söhn von Eleonore Auguste, borene Wyneken (1750–1787; Dochter von Carl Gustav Friedrich Wilhelm Wyneken), un Friedrich Ludwig August Lueder (10. Januar 1736–28. März 1811) in Herzberg boren.[1] He hett sik 1791 för en Studium von de Juristeree an de Universität Göttingen inschreven.[1] Na dat Studium is he in’n kurhannöverschen Verwaltungsdeenst gahn un 1795 Auditer bi dat Amt Göttingen worrn.[1] 1797 is he dor to’n Amtsschriever opstegen un 1800 as Amtsschriever supernumerär in dat Amt Oosterholt wesselt.[1] Al een Johr later, 1801, is he denn aver Kamersekretär in Hannover worrn un von dor 1810 as Domänendirekter na Herzberg gahn.[1] 1815 hett he den Posten as Oberamtmann in dat Amt Herzberg övernahmen un is von dor 1824 as Oberamtmann in dat Kloosteramt Wene gahn.[1]
Lueder hett an’n 4. Mai 1800 in Herzberg Luise Sophie Charlotte Murray (7. April 1781–7. April 1849; Dochter von Johan Andreas Murray) freet.[1] De beiden harrn söven Kinner, ünner annern Henriette Justine Helene Elise (* 21. August 1803) un Georg Wilhelm Gustav Friedrich (30. Oktober 1806–2. Dezember 1872).[1]
