Carretera Federal 293

De Carretera Federal 293 (kort MEX 293) is en 99 Kilometer lange Bundsstraat in’n Bundsstaat Quintana Roo, Mexiko. Düsse Överlandstraat löppt von Pedro Antonio Santos an de MEX 307 na Polyuc an de MEX 184. Se löppt dör de beiden Municipios Bacalar un Felipe Carrillo Puerto.

Symbol von de Straat

Karte

Koort von dat Bundsstratennett in Yucatán

De Straat is asphalteert un hett twee Sporen. Ehre Opgaav is vör allen as Afkörten twüschen de Städer an de Noordküst von Yucatán un Chetumal. Gegenöver den Weg langs MEX 184 un MEX 307 över Felipe Carrillo Puerto spoort de Straat 35 km Weg.

Verloop ännern

De Straat fangt in Pedro Antonio Santos an de MEX 307 an, dicht bi dat Noordenn von de Laguna de Bacalar. De MEX 307 löppt de Küst von Yucatán langs von Chetumal in’n Süden bet Cancún in’n Noorden. De MEX 293 twiegt na Noordwesten af un löppt över de Öörd Lázaro Cárdenas, Manuel Avila Camacho, Los Divorciados, La Pantera, Valle Hermoso, Emiliano Zapata, Nueva Israel, Nueva Loria un Chunhuhub na Polyuc an de MEX 184. De MEX 184 föhrt von dor in’n Noordwesten över de Öörd Tekax, Oxkutzcab, Ticul un Muna na Maxcanú an de MEX 180 un in’n Oosten na Felipe Carrillo Puerto, wo de MEX 184 wedder op de MEX 307 drippt.