Felipe Carrillo Puerto (Quintana Roo)

Felipe Carrillo Puerto is en Stadt mit 25.744 Inwahners (Stand 2010) in’n Municipio Felipe Carrillo Puerto, Bundsstaat Quintana Roo, Mexiko.

Kark in Felipe Carrillo Puerto
Oortsansicht

De Inwahners sünd to en groten Deel Maya.

GeografieÄnnern

Dat Rebeed in’n Oosten von de Stadt an de Küst von de Karibische See is as Biosphärenreservaat Sian Ka'an schuult.

HistorieÄnnern

Inwahnertall
Johr Inwahners
1910 2258
1921 keen Daten
1930 245
1940 652
1950 595
1960 1249
1970 2052
1980 6980
1990 12.704
2000 18.545
2010 25.744

De Stadt liggt an de Steed von Chan Santa Cruz. Dat weer dat Zentrum von de opstännschen Cruzoob, de in’n Kastenkrieg grote Delen von de Halvinsel Yucatán innahmen un sik üm 1850 hier dallaten harrn. Se hebbt hier dat Cruz Verde Maya verehrt. Eerst 1901 hett de mexikaansche Generaal Ignacio Bravo Chan Santa Cruz innahmen. De Oort is kumplett kappeneert worrn un an de Steed hebbt se denn de Militärgarnison un Stadt Santa Cruz de Bravo nee grünnt.

Een Johr later is de Bundsstaat Quintana Roo grünnt worrn un Santa Cruz de Bravo weer denn de Hööftoort von’n Bundsstaat. Ignacio Bravo is Militärguvernör von dat Rebeed worrn.

Von 1901 bet 1905 is de Decauville-Bahn Vigía Chico–Santa Cruz bet na’n Haven von Vigía Chico boot worrn, üm den Oort an’n Verkehr antosluten un Holt un Kautschuk exporteren to könen. Nadem Porfirio Díaz 1915 afsett worrn is, is Payo Obispo Hööftoort von’n Bundsstaat Quintana Roo worrn un Santa Cruz de Bravo hett düssen Status verloren. Mit’n Oort güng dat gau bargdal. 1930 harr de Oort man noch 245 Inwahners.

1932 hett de Oort den Naam Felipe Carrillo Puerto kregen na’n Politiker un Revolutschonär Felipe Carrillo Puerto.

Weertschop un InfrastrukturÄnnern

VerkehrÄnnern

Dör de Stadt löppt de MEX 307, de in’n Noordoosten na Tulum, Playa del Carmen un Cancún föhrt un in’n Süüdwesten över Bacalar na Chetumal. Von de MEX 307 geiht na Noorden de MEX 295 na Vallodolid af un in’n Noordwesten de MEX 184 na Mérida.

WeblenkenÄnnern

  Felipe Carrillo Puerto (Quintana Roo). Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:19° 35′ N, 88° 3′ W