Center for Civil Liberties
Dat Center for Civil Liberties (CCL, {ukrainsch: Центр Громадянських Свобод|Zentr Hromadjanskych Swobod}}, Vörlaag:DeS) is en ukrainsch Minschenrechtsorganisatschoon mit Sitt in Kiew. Se wurr 2007 grünnd. Vörsittersche is de ukrainsch Juristin un Minschenrechtsaktivistin Oleksandra Matwijtschuk. Teel vun de Organisatschoon is dat, Minschenrechte un Demokratie in de Ukraine as ok in Eurasien vörantobringen.[1][2] 2022 wurr dat CCL mit den Freedensnobelpries un den Right Livelihood Award uttekent.
Geschichte
ännern
De Organisatschoon betreckt Stellung, um de ukrainsch Zivilsellschopp to stärken un Druck up de Behörden uttoöven, de Ukraine to en vullwertig Demokratie to maaken. Um dat Land to en Rechtsstaat to entwickeln, sett sück dat Center for Civil Liberties aktiv dorför in, dat de Ukraine den Internatschonalen Straafgerichtshoff anslooten wurrd.[1]
Bekanntheit kreeg dat Center for Civil Liberties in 2013, indem dat in Rahmen vun de vun Oleksandra Matwijtschuk grünnd globalen Initiative Euromaidan SOS Minschenrechtsbesehren dokumenteeren dee un wiels de gewaltsam Daalslahn vun de Euromaidan-Proteste ehrenamtlich in eenig hunnert Fällen Rechtshülp leisten dee, för Angehörige vun Entführten un Getöteten as ok för Minschen, de verprügelt, fastnommen oder foltert wurrn. För de Arbeit wiels un infolge vun de Euromaidan-Daalslahn harr dat CCL mehrere duusend Freewillige insett.[3] Dat CCL hett ok för wiedere Initiativen verantwortlich tekent. So sünd se anfungen, verscheeden Regeerensbehörden up Börgerrechtsbesehren to överwaaken. Ok wurr över Minschenrechte upklärt, hett den Druck up de Zivilsellscho un de Verfolgung vun Minschenrechtsaktivisten dokumenteert.[2]
En wiedere ebenfalls vun Matwijtschuk up den Weg brocht Kampagne mit Naam Save Oleg Sentsov weer dat Organiseeren vun Kundgevungen in mehr as 30 Länner as ok dat Stellen vun Forderungen an de Regeeren vun de Länner, Druck up Wladimir Putin uttoööven, Sentsov un 34 wiedere politische Fangene freetolaaten. Dat CCL weer mit de Kampagne spoodriek.[3]
Nahdem in‘n Fröhjohr 2022 banfungen russischen Angreep up de Ukraine hett sück de Organisatschoon dorum bemöht, russisch Kriegsverbreeken gegen de ukrainsch Zivilbevölkerung optodecken u nto dokumenteeren. Ünner annern hett dat CCL Utseggen vun Tüügen in de ukrainsch Städer Butscha un Irpin sammelt, wo Russland teelt Massaker besünners ünner Zivilisten vorschmeeten wurrn.[4] In‘n Oktober vun dat sülvig Johr wurr dat Center for Civil Liberties de Freedensnobelpries tospraaken, den dat sück mit den belarussisch Minschenrechtler Ales Bjaljazki un de russisch Minschenrechtsorganisatschoon Memorial deelen muss. Luut de Nobelpriesjury nimmt de ukrainsch Organisatschoon in Tosommenarbeit mit internatschonalen Partnern en Vörriederull in, um de Schuldigen för hör Verbreeken to Rekenschapp to trecken.[1] Tovör weern dat CCL un sien Vöörsittersche Oleksandra Matwijtschuk mit den Right Livelihood Award (Alternativen Nobelpries) ehrt wurrnn.[2]
Utteknungen
ännern- 2022: Right Livelihood Award („Alternativer Nobelpries“)
- 2022: Freedensnobelpries
Weblinks
ännern- Offizielle Website (engelsch, ukrainsch)
Enkeld Nahwiesen
ännern- ↑ a b c The Nobel Peace Prize 2022. In: nobelprize.org, 7. Oktober 2022, afropen an’n 7. Oktober 2022.
- ↑ a b c Oleksandra Matviichuk / Center for Civil Liberties (CCL). In: rightlivelihood.org, afropen an* 7. Oktober 2022.
- ↑ a b Christian Esch: »Es geht um Menschen, die sich dem gemeinsamen Bösen entgegengestellt haben«. In: spiegel.de. 7. Oktober 2022, afropen an’n 7. Oktober 2022 (kostenpflichtige Registrierung notwendig).
- ↑ KNA: Engagement in Krisenländern. In: badische-zeitung.de, 30. September 2022, afropen an’n 7. Oktober 2022.