Hauptmenü öffnen

Cesare Del Cancia (* 6. Mai 1915 in Buti; † 25. April 2011 in Pontedera) weer en italieensch Radrennfohrer.

Cesare Del Cancia weer Profi-Radrennfohrer van 1935 bit 1941 un nah den Tweeten Weltkrieg nochmals in dat Johr 1946, kunn aber kien Ergevnisse mehr recken. De gröttste Erfolg in sien Loopbahn weer de Sieg bi Mailand-Sanremo 1937, nahdem her vördem all den Giro dell’Emilia wunnen harr.

1936 wunn Del Cancia Mailand-Turin un dat Rennen Tre Valli Varesine, 1938 den Giro del Lazio. Bi den Giro d’Italia 1937 wunn he een Deelstreck un keem in de Gesamtwertung up Platz 5. In dat folgen Johr kunn he acht Daag lang bi dit Rennen dat Maglia Rosa dragen, wunn twee Deelstrecken un keem an' Enn' up Platz 7. 1939 reck dat denn noch mal för Platz 8.

As Cesare Del Cancia in' April 2011 in dat Öller vun 95 Johren dood blieven dee, weer he de öldste noch leven Dräger vun dat Maglia Rosa.

WeblenkenÄnnern