Mailand–Sanremo

Dat Radrennen Mailand–Sanremo is mit över 290 Kilometern dat längste Eendagsrennen in’ Profi-Radsport. Dat wurr to de so nömm Monumente vun den Radsport tellt un hörr för dree Johr to de in dat Johr 2005 inführt UCI ProTour, en Reeg vun de wichtigst Radrennen vun dat Johr. Siet 2011 hörrt dat Rennen to de Nahfolgeserie UCI World Tour.

Hööftfeld in Diano Marina 2004

Alessandro Petacchi winnt in’ Sprint (2005)

Hööchtprofil 2006

De wichtigste un beroopenst Klassiker vun Italien funn bit 2012 jedes Johr an en Saterdag Enn’ Märt statt, bevör mit de Utgaav 2013 ut Verkehrsgrünnen de Utdragensdag up den Sönndag leggt wurr. Dat Rennen hett den Binaam La Primavera (Fröhjohr) kreegen; mitünner wurrd disse Binaam ok as „prima vera corsa“ leest, also dat „eerste richtige Radrennen“ vun dat Johr. La Classicissima, as dat Rennen ok respektvull nömmt wurrd, funn eerstmals 1907 statt un weer bit to dat Afschaffen vun de teihn Veranstalten ümfaaten Rad-Weltcup dat eerste Rennen vun disse Rennserie. Siet de eerst Utdragen wurrd dat Rennen vun de Gazzetta dello Sport organiseert.

Bi dat eerst Rennen an’ 14. April 1907 hemm 33 Rennfohrer deelnommen. Sieger wurr dormals Lucien Mazan ut Frankriek mit en Snitt vun 26,6 km/h. In’ Gegensatz dorto leeg de Dörsnittsgeschwindigkeit 2010 bi 43 km/h. De Deelnehmer vun dat eerst Rennen kreegen en Upwandsentschädigung vun fiev Lire.

Streck

De Oort Cipressa

De Streckenführen vun Mailand nah Sanremo ändert sück vun Johr to Johr man blots wenig. In’ Gegensatz etwa to Paris–Roubaix, dat 80 Kilometer nördlich vun Paris in Compiègne los geiht, fangt Mailand–Sanremo tatsächlich in Mailand, nauer up de Piazza Castello, an. Dornah führt de Streck över Binasco, Pavia, Voghera, Tortona, Novi Ligure, Ovada un den Turchino-Pass – mit 588 Meter de hööchste Punkt vun de Route – an de Küst von de Middellannsche See. De wurrd an de westlich Peripherie vun Genua reckt. Spektakulär sünd vör allen de denn folgen Passagen, se führen – gröttstendeels de historsch Via Aurelia folgend – direkt an de italieensch Riviera entlang.

Dat över wiet Deelen meest völlig flach Rennen hett sück bit vör eenig Johren an mehreren kört Anstiegen kört vör dat Enn’ vun de Streck entscheeden. Dorünner vör allen de Stiegen nah Cipressa (etwa 20 Kilometer vör dat Teel up 240 Meter Hööcht liggend) un de Anstieg nah Poggio di Sanremo (rund söss Kilometer vör dat Teel up 162 Meter Hööcht liggend). In’ Radsport snackt man ok kört vun de Cipressa un den Poggio. Dorto kommen noch de Capo Mele (65 m), de Capo Cervo (77 m) un de Capo Berta (130 m). In de letzt führen disse as „Capi“ betekent Anstiege aber selten to en Selektschoon, so dat de Entscheeden intüschen meest in en Massensprint utdragen wurrd. Dit wiest sück ok in de Siegerlist, de toletzt vun Sprintern as Erik Zabel, Mario Cipollini, Oscar Freire, Alessandro Petacchi, Mark Cavendish un Gerald Ciolek domineert wurr.

In dat Johr 2020 geev dat aber en ganz anner Streck, wiel wegen de Corona-Epidemie, nicht de bekannt Öörd anfohren wurrn, blots kört vör dat Teel keem man weer up de oorsprünglich Streck torüch.

De Rekordsieger

De meesten Siege bi de „Classicissima“ hett de belgisch „Kannibale“ Eddy Merckx uptowiesen. He wunn in elf Johren tüschen 1966 un 1976 insgesamt söbenmal. Achter Costante Girardengo (söss Siege) un neben Gino Bartali up Platz 3 vun de ewige Ranglist liggt Erik Zabel, de van 1997 bit 2001 veermal in Sanremo wunnen hett.

Siegerlist

2022 Matej Mohorič 2021 Jasper Stuyven 2020 Wout Van Aert 2019 Julian Alaphilippe 2018 Vincenzo Nibali 2017 Michał Kwiatkowski 2016 Arnaud Demare 2015 John Degenkolb 2014 Alexander Kristoff 2013 Gerald Ciolek 2012 Simon Gerrans 2011 Matthew Goss 2010 Óscar Freire 2009 Marc Cavendish 2008 Fabian Cancellara 2007 Óscar Freire 2006 Filippo Pozzato 2005 Alessandro Petacchi 2004 Óscar Freire 2003 Paolo Bettini 2002 Mario Cipollini 2001 Erik Zabel 2000 Erik Zabel 1999 Andrej Tschmil 1998 Erik Zabel 1997 Erik Zabel 1996 Gabriele Colombo 1995 Laurent Jalabert 1994 Giorgio Furlan 1993 Maurizio Fondriest 1992 Sean Kelly 1991 Claudio Chiapucci 1990 Gianni Bugno 1989 Laurent Fignon 1988 Laurent Fignon 1987 Erich Mächler 1986 Sean Kelly 1985 Hennie Kuiper 1984 Francesco Moser

1983 Giuseppe Saronni 1982 Marc Gomez 1981 Alfons De Wolf 1980 Pierino Gavazzi 1979 Roger De Vlaeminck 1978 Roger De Vlaeminck 1977 Jan Raas 1976 Eddy Merckx 1975 Eddy Merckx 1974 Felice Gimondi 1973 Roger De Vlaeminck 1972 Eddy Merckx 1971 Eddy Merckx 1970 Michele Dancelli 1969 Eddy Merckx 1968 Rudi Altig 1967 Eddy Merckx 1966 Eddy Merckx 1965 Arie den Hartog 1964 Tom Simpson 1963 Joseph Groussard 1962 Emile Daems 1961 Raymond Poulidor 1960 René Privat 1959 Miguel Poblet 1958 Rik Van Looy 1957 Miguel Poblet 1956 Fred De Bruyne 1955 Germain Derycke 1954 Rik Van Steenbergen 1953 Loretto Petrucci 1952 Loretto Petrucci 1951 Louison Bobet 1950 Gino Bartali 1949 Fausto Coppi 1948 Fausto Coppi 1947 Gino Bartali 1946 Fausto Coppi 1940-1945 nich utdragen

1943 Cino Ginelli 1942 Adolfo Leoni 1941 Pierino Favalli 1940 Gino Bartali 1939 Gino Bartali 1938 Giuseppe Olmo 1937 Cesare Del Cancia 1936 Angelo Varetto 1935 Giuseppe Olmo 1934 Jef Demuysere 1933 Learco Guerra 1932 Alfredo Bovet 1931 Alfredo Binda 1930 Michele Mara 1929 Alfredo Binda 1928 Costante Girardengo 1927 Pietro Chesi 1926 Costante Girardengo 1925 Costante Girardengo 1924 Pietro Linari 1923 Costante Girardengo 1922 Giovanni Brunero 1921 Costante Girardengo 1920 Gaetano Belloni 1919 Angelo Cremo 1918 Costante Girardengo 1917 Gaetano Belloni 1916 nich utdragen 1915 Ezio Corlaita 1914 Ugo Agostoni 1913 Odiel Defraeye 1912 Henri Pélissier 1911 Gustave Garrigou 1910 Eugène Christophe 1909 Luigi Ganna 1908 Cyrille Van Hauwaert 1907 Lucien Petit-Breton

Weblenken

Mailand–Sanremo. Mehr Biller, Videos oder Audiodateien to’t Thema gifft dat bi Wikimedia Commons.

• La Gazzetta dello Sport: Milano–Sanremo
• Mailand-Sanremo in de Datenbank vun Radsportseiten.net