Wikipedia

Christian Kukuk

Christian Kukuk (* 4. März 1990 in Warnduorp) is en düütsch Springrieder. He wunn de Goldmedaille in dat Eenzelspringen bi de Olympisch Sömmerspelen 2024.

Christian Kukuk mit Carinou (2015)

Werdegang

ännern

Christian Kukuk is in Warnduorp in en eng mit den Peersport verbunnen Familie upwussen: Sien Grootvader Franz Kukuk weer Hööftsaddelmeester an dat Landgestüt Warnduorp,[1][2] sien Vater Vader hett as Springrieder an Turnieren deelnommen, sien Moder weer bi dat Deutschen Olympiade-Komitee für Reiterei (DOKR) beschäftigt.[1][3]

Liekers sien familiären Achtergrund hett sück Christian Kukuk as Kind up dat Footballspelen konzentreert. Ofschons he sien Familie all fröher up Rietturnieren begleit harr, fung sien Interesse för den Rietsport erst mit 13 Johr an. He hett sien Vader up den Afrietplatz ünnerstütt un hett sück mit hüm över de sien Ritte snackt. Sluutend fung Christian Kukuk sülvst mit dat Rieden an, tonächst bi sien Moder an de Longe, nah meest een Johr hett he ok mit Springrieden anfungen.[4][5]

Nah sien Schoolafsluss hett he en Utbillen to’n Industriekoopmann anfungen, de he as Johrgangsbest vun den Kreis Warnduorp afslooten hett. He hett sück denn aber doch entslooten, de Riederee to sien Berop to maken. Över dat DOKR hett he Kuntakt to Ludger Beerbaum upnommen, up de sien Rietanlaag in Riesenbeck Kukuk siet Februar 2012 anstellt is.[3][6][4]

Sien eersten internatschonal utschreeven Grooten Pries hett Christian Kukuk in‘n Mai 2012 bi dat CSI 2* Balve Optimum bestreeden. Een Johr later hett he eerstmals en Peerd bi de Weltmeesterschapen vun de jung Springpeer in Lanaken-Zangersheide vörstellt. De Sömmer 2014 broch twee besünner Ereignisse för Kukuk: Bi den Natschonenpries vun Sopot drüff he eerstmals Düütschland in so en Wettbewarf vertreeden, söss Week later drüff he eerstmals bi den CHIO Aken an den Start gahn.[7] Nahdem he bi sien Deelnahme an de Düütsch Meesterschap 2013 blots up den letzten Platz keem, verpass he 2015 blots knapp en Medaille.

Bi den CHIO Aken 2016 is Christian Kukuk swoor to Fall kommen. Sien Schuller wurr dreefack braken un dat düer bit Oktober 2016, dat he weer rieden kunn. In’n Dezember vun dat Johr gelung hüm mit den Hingst Limoncello de bit dorhen woll gröttste Spood in sien Loopbahn, de Sieg bi den Grooten Pries vun dat Festhallen-Rietturnier Frankfort.[5] Ebenso mit Limoncello hett he dat best düütsch Ergevnis bi den Natschonenpries vun St. Gallen 2017 reckt. 2018 is he dor nochmals för de düütsch Mannschap mit dat Peerd Lukas antreeden. Siet 2018 ist Christian Kukuk Deel vun dat um Ludger Beerbaum billd Global-Champions-League-Team vun de „Berlin Eagles“.

Mit den Schimmelhingst Mumbai, de sien Utbillen Kukuk 2019 övernehm, hett he 2020 Siege in en Grooten Pries vun en CSI 2* in Riesenbeck as ok dat Weltcupspringen von Riad reckt. Doruphen wurr dat Paar Kukuk un Mumbai in den Perspektivkader vun de düütsch Springrieder för 2021 upnommen.[8]

Nah Top-10-Platzierungen in de beid CSI 5*-Groot Priesen vun Doha un in de Badenia (CSI 4*) folgten twee Natschonenpriesstarts in St. Gallen un Sopot för Kukuk un Mumbai. In Sopot bleev dat Paar in beid Natschonenpriesumlööpen ahn Fehler. Anfang Juli 2021 wurr Christian Kukuk mit Mumbai för de Olympisch Sömmerspelen in Tokio nomineert.[9] Dor keem dat Paar blots in de Eenzelwertung to’n Insatz un verpass dor knapp den Intoog in dat Eenzelfinale vun de best 30. Bi de Europameesterschapen in Riesenbeck wenig Weeken later hörrn Kukuk un Mumbai weer to de düütsch Mannschap, de de Sülvermedaille wunn. In de Eenzelkonkurrenz verpass dat Paar knapp en Medaille.

Dat Finale vun de Global Champions League 2021 hett dat Team Berlin Eagles mit Christian Kukuk up den darten Platz afslooten. In’n Dezember 2021 reck Kukuk mit Platz 18 eerstmals de Top 20 vun de Weltranglist, nahdem he eerst in’n April vun dat sülvig Johr eerstmals ünner de best 50 kommen weer.[10]

Bi de Olympisch Sömmerspelen 2024 in Paris hett Kukuk mit twee fehlerfree Umlööp up sien westfäälschen Wallach Checker 47 de Goldmedaille vör Steve Guerdat (Swiez) un Maikel van der Vleuten (Nedderlannen).[11]

Peer (in Utwahl)

ännern
  • Colestus (* 2006), Westfäälsch Hingst, Schimmel, Vader: Cornet Obolensky Modervader: Stakkato
  • Limoncello NT (* 2007), bruun Westfäälsch Hingst, Vader: Lord Caletto, Modervader : Calido I[12]
  • Mumbai (* 2012 as Mumbai van de Moerhoeve), Belgisch Schimmelhingst, Vader: Diamant de Semilly, Modervader: Calido I; 2018 von Nick Vrins reeden[13][14]
  • Checker 47 (* 2007), Westfäälsch Schimmelruun, Vader: Comme il faut, Modervader: Come on; bit to’n Oktober 2020 ünner annern vun Kaya Lüthi, Niels Kersten un Frederick Troschke reeden[15], Eegendömer: Madeleine Winter-Schulze un Thomas Müller[16]

Spood bi Meesterschapen

ännern
  • Europameesterschapen:
    • 2021, Riesenbeck: mit Mumbai 2. Platz mit de Mannschap un 4. Platz in’t Eenzel
  • Düütsch Meesterschapen:
    • 2013, Balve: mit Corelan 18. Platz[17]
    • 2014, Balve: mit Forchello 9. Platz[18]
    • 2015, Balve: mit Carilot 4. Platz[19]
    • 2016, Balve: mit Carilot 7. Platz[20]
    • 2017, Balve: mit Colestus 12. Platz[21]
    • 2019, Balve: mit Colestus 19. Platz[22]
    • 2020, Riesenbeck: mit Quintino 11. Platz[23]
ännern
  Christian Kukuk. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

ännern
  1. ↑ a b Der Meister und sein Lehrling, Thomas Lelgemann / Iserlohner Kreisanzeiger und Zeitung, 3. März 2017
  2. ↑ Franz Kukuk Passed Away, eurodressage.com, 4. März 2005
  3. ↑ a b Wenn wir unsere Vorteile zusammenlegen, wären wir wohl unschlagbar!, Interview mit Christian Kukuk und Philipp Weishaupt im „Reiterjournal-Extra“ zu den Stuttgart German Masters, 17. November 2018, Sieden 36 bit 39
  4. ↑ a b Christian Kukuk: “Leaps of faith are where you learn”, Interview up worldofshowjumping.com, 14. Juni 2017
  5. ↑ a b Biographie Christian Kukuk, ludger-beerbaum.de
  6. ↑ Aufstehen & gewinnen, Bad Aachen (Stadtmagazin), Utgaav to’n CHIO Aken 2017, Sieden 30 un 31
  7. ↑ FEI-Ergevnisdatenbank: Christian Kukuk
  8. ↑ Springen: Die Kader für 2021, Laura Schwabbauer / Deutsche Reiterliche Vereinigung, 17. Dezember 2020
  9. ↑ Springen: Kandidaten für Olympische Spiele benannt, Julia Basic / Deutsche Reiterliche Vereinigung, 3. Juli 2021
  10. ↑ aktuelle un vörmalige Weltranglisten Springrieden, fei.org
  11. ↑ Christian Kukuk springt in Versailles zu Gold In: sportschau.de
  12. ↑ FEI-Pferdedatenbank: Limoncello NT
  13. ↑ FEI-Pferdedatenbank: Mumbai
  14. ↑ Neues Pferd für die Ludger Beerbaum Stables, Dominique Wehrmann / St. Georg. 10. Januar 2019
  15. ↑ FEI-Pferdedatenbank: Checker 47
  16. ↑ Dirk Weitzmann: GOLD-Pferd „Checker“ gehört Thomas Müller! In: bild.de. 6. August 2024, afropen an’n 6. August 2024.
  17. ↑ Endstand Deutsche Meisterschaften im Springreiten 2013 (PDF)
  18. ↑ Endstand Deutsche Meisterschaften Springreiten 2014 (PDF)
  19. ↑ Endstand Deutsche Meisterschaften Springreiten 2015
  20. ↑ Endstand Deutsche Meisterschaften Springreiten 2016 (PDF)
  21. ↑ Endstand Deutsche Meisterschaften im Springreiten 2017 (PDF; 120 kB)
  22. ↑ Endstand Deutsche Meisterschaften der Springreiter 2019 (PDF; 382 kB)
  23. ↑ Endstand Deutsche Meisterschaften im Springreiten 2020 (PDF; 274 kB)
Vun „https://nds.wikipedia.org/w/index.php?title=Christian_Kukuk&oldid=1028469“