Christian Wilhelm Lindemann

Christian Wilhelm Lindemann (* 17. Oktober 1798 in Lümborg; † 1. August 1867 ok dor) weer en düütschen Jurist.

Lindemann is 1798 as Söhn von Caroline Friederike Wilhelmine, borene Claaßen, un den Jurist Christian Gottfried Lindemann (1767–1834) in Lümborg boren.[1] Von 1810 af an güng he op dat Johanneum in Lümborg.[1] An’n 22. April 1817 hett he sik an de Universität Göttingen inschreven un Juristeree studeert.[1] Dat Studium hett he 1820 afslaten.[1] Lindemann is 1822 Avkaat un Notar in Lümborg worrn.[1] 1822 is he ok Senater worrn.[1] Dat Amt as Syndikus von Lümborg harr he von 1823 bet 1846.[1] 1846 is he denn de eerste Böverbörgermeester von de Stadt worrn un hett siene Arbeid as Avkaat un Notar dalleggt.[1] Börgermeester is he bet 1850 bleven, as he Binnenminister von dat Königriek Hannover worrn is.[1] Dit Amt harr he bet to’n 22. September 1851, as de Ministers in dat Königriek Hannover all trüggtreden sünd.[1] He weer denn von 1852 bet 1859 Direkter von dat Obergericht Lümborg.[1] Von 1862 bet to sien Dood 1867 weer he Börgervörsteher.[1]

He hett Johanna Sophie Elisabeth Degen freet. De beiden harrn de Söhns Carl un Wilhelm.[1]

Footnoten ännern

  1. a b c d e f g h i j k l m Christopher Scharnhop: Das Lüneburger Notariat im 19. Jahrhundert. Eine Untersuchung zum öffentlichen Notariat unter besonderer Berücksichtigung der Notariatsinstrumente. BWV Verlag, 2012, Sied 307ff