Christendom
Dat Christendom is een Abrahamitsche Religion, de op dat Leven, den Dood an't Krüüz un dat Opstahn vun den Doden vun Jesus vun Nazaret baseert is, so as dat in dat Niege Testament opschreven is.
.svg)
De Mehrtall vun den Christen glöövt, dat dat bloots een Gott gifft, man dat disse Gott sik den Minschen as een dree-enig Gott, as dree Personen wiest hett. Dat is de Lehr vun de Trinität.
Christen glöövt ok, dat Jesus den Juden ehr Messias is, so as dat vun den Propheten in dat Ole Testament vörherseggt weer.
Dat Woort „Christ“ kummt ut dat Greeksch un stammt vun dat Woort Χριστός (Khristós) af, dat heet „salvt“. Dat is de Översetten vun hebrääsch משיח (Moshiach), wat dann ok as "Messias" latiniseert warrn is. Un "Christ" heet dann "een, de to Christus tohöört". De Katholieke Kerk is de grööste gelööfsrichting binnen dat Christendom.
