Claude Cohen-Tannoudji

Claude Cohen-Tannoudji (2007)

Claude Nessim Cohen-Tannoudji (* 1. April 1933 in Constantine, Algerien) is en franzöösch Physiker. För dat Köhlen un Infangen vun Atomen mit Laserlucht (Laserköhlen) kreeg he 1997 gemeensam mit Steven Chu un William Daniel Phillips den Nobelpries för Physik.

LevenÄnnern

Cohen-Tannoudji stammt ut den jöödsch Familie, de siet dat 16. Johrhunnert in Algerien leev, siet 1870 (Décret Crémieux) as franzöösch Staatsbörger. 1953 bit 1957 hett he an de Pariser École normale supérieure studeert, tonächst Mathematik, hett sück denn aber nah Vörlesungen bi den Nobelpriesdräger Alfred Kastler de Physik towennd. 1957 hett he dat Studium mit dat Diplom (Agrégation) afslooten un hett denn 28 Maand Wehrdeenst leist. Siet 1960 weer he as Wetenschapler för dat Centre National de la Recherche Scientifique (CNRS) tätig. 1962 kreeg he sien Doktertitel. Siet 1962 geev he Ünnerricht an de Universität Paris IV. 1973 wurr he Perfesser an dat Collège de France, wo he den Lehrstohl för Atom- un Molekülphysik hett.

1976 weer he Loeb Lecturer an de Harvard University un 1988 Lorentz Perfesser an de Universität Leiden.

LeistungenÄnnern

De 1977 herutbrocht tweebändige Monographie Mécanique Quantique, de Claude Cohen-Tannoudji tosommen mit Bernard Diu un Franck Laloë verfaat hett, hörrt immer noch to de Standardwarken up dat Rebeet vun de Quantenmechanik.

Cohen-Tannoudji hett tosommen mit Steven Chu un William D. Phillips en Verfohren entwickelt, mit dat Atome afköhlt wurrn könnt, indem sück de Atomstrahl längs vun de Ass vun en magnetisch Wesselfeld utbreedt. Mit disse Technik wurrd de Atomstrahl afbremst un de Atome könnt in en Fall infangen wurrn. Disse Methood wurrd bi de Entwicklung vun präzis Atomklocken anwennd; se kann ok för nipp un nau Positschonsbestimmungen un in de Weltruumnavigatschoon insett wurrn.

UtteknungenÄnnern

SchriftenÄnnern

  • mit Bernard Diu, Franck Laloë: Quantenmechanik, 2 Bände, 2. Uplaag. De Gruyter, Berlin 1999, ISBN 3-11-016458-2
    • Franzöösch Original toeerst Herman, Paris 1973
  • mit J. Dupont-Roc et G. Grynberg Photons and Atoms. Introduction to Quantum Electrodynamics, Wiley 1989
  • mit J. Dupont-Roc et G. Grynberg Atom-Photon Interactions: Basic Processes and Applications, Wiley 1992
  • Atoms in Electromagnetic Fields, World Scientific 1994, 2. Uplaag 2004
  • mit F. Bardou, J.P. Bouchaud, Alain Aspect Levy statistics and laser cooling. How rare events brign atoms to rest, Cambridge University Press 2002
  • mit D. Guéry-Odelin Advances in Atomic Physics – An overview, World Scientific, 2011
  • Laser cooling and trapping of neutral atoms: theory, Physics Reports, Band 219, 1992, S. 153–164 (Proc. 20. Solvay Kongress zur Quantenoptik)

WeblinksÄnnern

  Claude Cohen-Tannoudji. Mehr Biller, Videos oder Audiodateien to’t Thema gifft dat bi Wikimedia Commons.