Clemens III. (Paapst)

Clemens III., oosprünglich Paolo Scolari (* in Rom; † 20., 28. März[1] oder 10. April 1191[2]), weer af 19. Dezember 1187 an Paapst.

Vör sien Pontifikat weer he Päpstlich Subdiakon, Arzpreester vun Santa Maria Maggiore un van 1181 bit 1187 Kardinalbischop vun Preneste.

Paapst Clemens III. wurr in S. Giovanni in Laterano begraven. Mit den grooten Brand in dat Johr 1308 gung sien Graffstäe verloren.[3]

De Römer Clemens III. kunn as eerst Paapst siet 1144 dank en Verdrag mit den Senat vun de Stadt un dormit verbunnen finanziell Toseggen nah Rom torüchkehren un dor af 1188 relativ ungestört resideeren. Noch 1188 hett he Kardinallegaten nah Palermo schickt, um vun König Wilhelm II. den Trüeeid för dat Königreich Sizilien intofordern, dat siet 1130 päpstlich Lehen weer. Dör den Eid vun den König wurrn de dör dat Konkordat vun Benevent ut dat Johr 1156 regelt Rechtsgrundlagen tüschen de päpstlich Kurie un den Normannenherrscher bestätigt. In‘n April 1189 hett Clemens mit den Kaiser Friedrich I. Barbarossa den Verdrag vun Straßburg slooten, de de vullständige Rückgaav vun den Karkenstaat regeln dee.

Noh wiels sück Friedrich I. Barbarossa up den darten Krüüztoog befinnen dee, is in’n November 1189 König Wilhelm II. in Palermo storven. Wiel he kien legitime Arven torüch leet, weer sien Tant Konstanze de letzte legitime Arvin vun dat Königriek Sizilien. Se weer siet Januar 1186 mit den düütsch Thronfolger Heinrich VI. verheiraadt. Dormit bestunn de Gefahr, dat dat päpstliche Lehen Sizilien an den künftigen Kaiser fallen dee. Dat wull Clemens III. ünner all Ümstände verhinnern un hett dorum de Usurpatschoon vun den siziliaanschen Thron dör Graf Tankred von Lecce, en nich legitimen Enkel vun den eersten Normannenkönigs Roger II. ünnerstütt. Dormit hett de Paapst gegen dat in Sizilien gellend Arvrecht un ok gegen dat Konkordat vun 1156 verstött. De prellt Arven Konstanze un Heinrich hemm nah dissen Staatsstriek um dat Enn’n vun de Usurpatschoon un den Inträe in dat sizialiaansch Arv up de Grundlaag vun de Överinkommen ut dat Konkordat vun Benevent kämpt.

De vun Clemens III. mit Friedrich Barbarossa afslooten Kaiserkrönun vun Heinrichs VI. un Konstanze keem nah den Dood vun Barbarossa up den Krüüztoog (Juni 1190) wegen de Rüstungen vun Heinrich VI. gegen Tankred un den Dood vun den Paapst in’n März 1191 nich mehr tostannen. Se wurr de eerste Amtshandlung vun Clemens sien Nahfolger Coelestin III., de de Kaiserkrönung an‘n 15. April 1191 vulltrecken dee.

Clemens III. harr 1188 ok mit de Römers de Zerstörung vun de Nahberkommun vun Rom, Tusculum, afmaakt. Wiel aber de Eroberung vun Tusculum vun de Römers bi to dat Fröhjohr 1191 nich schafft wurrn weer, wurr de Fall Gegenstand vun dat Verhanneln um de Kaiserkrönung vun Heinrich VI. De Tusculaner harrn dat Riek um Hülp ropen, un König Heinrich VI. harr doruphen bit up wieders Truppen in de Stadt verleggen laaten. Wegen de Afmaaken tüschen Kurie un Römern ut dat Johr 1188, un nahdem de Römer en ungestörte Kaiserkrönung vun Heinrich un Konstanze tosekert harr, wurrn de kaiserlich Truppen ut de Stadt aftrucken un Tusculum wenig Daag later vun de Römers innommen, verneelt un sluutend den Paapst övereignet.

Literatur ännern

  • Hartmut Jericke: Kaiser Heinrich VI.: der unbekannte Staufer(= Persönlichkeit und Geschichte 167). Muster-Schmidt, Gleichen / Zürich, 2008, ISBN 978-3-7881-0158-9.
  • Jürgen Petersohn: Clemente III, papa In: Alberto M. Ghisalberti (Hrsg.): Dizionario Biografico degli Italiani (DBI). Band 26: Cironi–Collegno. Istituto della Enciclopedia Italiana, Rom 1982.
  • Jürgen Petersohn: Clemente III. In: Massimo Bray (Hrsg.): Enciclopedia dei Papi. Istituto della Enciclopedia Italiana, Band 3: Innocenzo VIII, Giovanni Paolo II. Rom 2000, OCLC 313581724 (treccani.it)..
  • Friedrich Wilhelm Bautz: CLEMENS III., Papst. In: Biographisch-Bibliographisches Kirchenlexikon (BBKL). Band 1, Bautz, Hamm 1975. 2., unverännert Uplaag Hamm 1990, ISBN 3-88309-013-1, Sp. 1050–1051.
  • James Loughlin: [1] Pope Clement III (Paolo Scolari) Band 4, Robert Appleton Company, New York 1908.
  • Werner Maleczek: Clemens III. (Paolo Scolari), Papst (1187/† 1191). In: Lexikon des Mittelalters (LexMA). Band 2, Artemis & Winkler, München/Zürich 1983, ISBN 3-7608-8902-6, Sp. 2140 f.
  • Kurt Zeilinger: Clemens III. In: Walter Kasper (Hrsg.): Lexikon für Theologie und Kirche. 3. Uplaag. Band 2. Herder, Freiburg im Breisgau 1994, Sp. 1220.

Weblinks ännern

  Clemens III.. Mehr Biller, Videos oder Audiodateien to’t Thema gifft dat bi Wikimedia Commons.
  • Salvador Miranda: [ebdept.fiu.edu/~mirandas/bios1179.htm#Scolari The Cardinals of the Holy Roman Church.] (Website vun de Florida International University, engelsch)

Enkeld Nahwiesen ännern

  1. So Zeilinger, LThK, Sp. 1220.
  2. Nah Petersohn DBI bzw. Enciclopedia dei Papi, vaticanhistory.de seggt ahn Angaav vun Borns 25. März 1191.
  3. Martin Marker: Papst Clemens III. vaticanhistory.de, afropen an’n 18. Juli 2016.
Vörgänger Amt Nafolger
Gregor VIII. Paapst
1187 - 1191
Coelestin III.