Colin Evandale Thurton (* 28. April 1943 in Belize-Stadt) is en Lichtathlet ut Brietsch-Honduras/Belize.

Thurton is 1943 in Belize-Stadt boren un hett bi de Olympschen Spelen 1968 in Mexiko-Stadt an’n 200-Meter-Loop deelnahmen. He is in de Vörrunn an’n 15. Oktober in’n Vörloop Nummer 5 en Tied von 22,1 Sekunnen lopen (Resultaten), wat nich reckt hett, üm sik för de nächste Runn to qualifizeren. Thurton weer dormit de eerste Lichtathlet ut Belize, de an Olympsche Spelen deelnahmen hett.

Bi de Olympschen Spelen 1976 in Montréal hett he an’n 100-Meter-Loop deelnahmen. He is in de Vörrunn an’n 23. Juli in’n Vörloop Nummer 6 en Tied von 11,03 Sekunnen lopen (Resultaten), wat wedder nich reckt hett, üm sik för de nächste Runn to qualifizeren. He schull an’n 25. Juli ok bi’n 200-Meter-Loop mitlopen un weer dor in de Vörrunn in’n Vörloop Nummer 3 indeelt, is aver nich antreden (did not start).