Containerbrüch
En Containerbrüch oder Containerbrugge is en grote Anlaag to'n Bören vun Containers. Dor höört en Kraananlaag mit to, en Loopkatt un en Transportanlage mit Scheenen. Containerbruggen staht in Containerterminals vun grote Containerhabens an de See un an de Ströme in dat Binnenland. Dor weert Göder mit umslahn. De Anlaag is en Brugge twuschen Schipp un Kaje. Dor könnt Containerscheepe slank un günstig mit be- un utladen weern. Vunwegen datt de Wetten dat so vörschrievt, warrt se vun en Bruggenfohrtüüchföhrer bedeent un arbeit' nich automaatsch. Up de Landsiet weert de Containers an en anner Fohrtüüch overgeven oder to en Lagerplatz henbrocht, oder just vun dor afhoolt un to dat Schipp brocht. For den Transport vun de Containers up den Terminal weert Portalheevwagens, Reach-Stackers un automaatsche Transportsysteme bruukt, as dat Automated Guided Vehicle (AGV) oder dat Automated Lift Vehicle (ALV). De Transport warrt faken vun en Reekner stutt'.
Literatur
ännernBrinkmann, B.: Seehäfen – Planung und Entwurf. Berlin, New York: Springer 2005