Hauptmenü öffnen

Cornelis Johannes van Houten (* 18. Februar 1920 in Den Haag; † 24. August 2002) weer en nedderlännschen Astronom. Sien Naam warrt in de Literatur mitünner ok as Kees van Houten angeven.

Leven un WarkÄnnern

Van Houten müssen wegen den Tweeten Weltkrieg sien Studium ünnerbreken un künn dorüm eerst 1952 sien Dokter maken. Mit Utnahm vun de Johren 1954 bit 1956, in de he as Hülpsmann an de Yerkes-Steernwacht in de USA arbeit hett, hett he sien hele Loopbahn an de Universität vun Leiden verbröcht.

He hett de Astronoomsche Ingrids Groeneveld heiraat, de den Naam van Houten-Groeneveld annahmen hett. Ut jemehr Eh is de Söhn Karel tostannen kamen.

Tosamen mit sien Fro un den Astronom Tom Gehrels hett he spoodriek na Asteroiden söcht. In’n Rahmen vun dat Palomar-Leiden-Survey hett dat Trio alltohopen 4329 Asteroiden funnen[1]. Gehrels hett mit de 48-Toll-Schmidt-Kamera vun de Mount-Palomar-Steernwacht in de USA ümfangrieke Opnahmen vun Himmel maakt. De fotograafschen Platen weern denn in de Nedderlannen schickt un an de Universität vun Leiden to’n Bestimmen vun Asteroiden utweert. Ut de statistischen Verdeelen vun de Ümloopbahnen hett sik rutstellt, dat de Asteroiden in Koppels üm de Sünn loopt.

Bito studeer van Houten de Radialsnelligkeiten vun drange Dubbelsteerns. He hett bit to sien Doot Artikels över Asteroiden un ännerliche Dubbelsteerns schreven. Na em is de Asteroid (1673) van Houten nöömt.

BornsÄnnern

  1. Minor Planet Center cfa.harvard.edu

WeblenkenÄnnern