Crash Landing: The Rescue of Flight 232
Crash Landing: The Rescue of Flight 232 (op Platt so veel as „Brooklannen: Dat Redden vun Flaag 232“; dt. Titel: Katastrophenflug 232) is de Titel vun een US-amerikaansch Fernsehfilms vun 1992, de op en wohr Begeevnis vun en Flegerunglück baseert.
| Filmdaten | |
|---|---|
| Plattdüütsch Titel: | — |
| Originaltitel: | Crash Landing: The Rescue of Flight 232 |
| Düütsch Titel: | Katastrophenflug 232 – A Thousand Heroes |
| Produkschoonsland: | USA |
| Johr vun’t Rutkamen: | 1992 |
| Läng: | ca. 95 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Lamont Johnson |
| Dreihbook: | Harve Bennett |
| Produkschoon: | Joseph Maurer Bradley Wigor Dorothea G. Petrie (executive) Paul A. Levin (assiociate) |
| Musik: | Charles Fox |
| Kamera: | William Wages |
| Snitt: | Paul LaMastra |
| Dorstellers | |
| |
Inholt
ännernDe Film speelt in eerste Lien in Sioux City in den US-Bundsstaat Iowa un fangt an mit en Nootfallöven op en Feld op’n Flaaghavenrebeet. Dat öörtlich Katastrophen-Komitee, woneem siet eenige Tiet Gary Brown dat Seggen hett, versocht mit opwännig un teemlich realistisch ümsette Öven, de Nootfallinrichten in de Stadt na Vörn to bringen. Problemem bi’t Kommunizeeren un en poor Pannen wiest, dat sowas nödig deit. Persönliche Afgunst vun einige Lüüd, as t. B. mit Jim Hathaway, de de Bass vun de Flaaghaven-Füerwehr is, maakt to Arbeit noch mol wat sworer. Aver Gary Brown gifft nich op un versocht de enkelten Inrichten un Institutschonen tohopen tobringen un de en inspeelt Team to maken, dormit dorbi en funkschoneerend Reddensystem tostannen kummt. Mit veel Duld un Diplomatie schapt he dat toletzt.
Twee Johr later, in’t Johr 1989: Jümmers wedder hett dat Öven geven mit jümmer bösere Unfäll-Scheen. Manche so slimm, dat de öörtlichen Senners al anfangt sik doröver lustig to maken. In Sioux City düüd all’ns op en sünnigen, ruhigen Dag hen, wiel in Denver de United Airlines-Flaag 232 start. Kott nadem de Fleger in de Luft is, kummt dat to en Explosion vun wegen en technischen Defekt. Dat Sietenroder un de hydraulisch Systemen warrt dorbi swor ramponeert. Ünner bannig swore Bedingen versocht Flaagkapitän Al Haynes, den nächst grötteren Flaaghaven to schapen – Sioux City.
De Flaagleiden gifft an’n Flaaghaven Bescheed un kott dorna maakt sik in Sioux City all Lüüd praat för de Nootlanden vun de DC-10, de mit ungefäähr 300 Minschen an Boord op’n Weg is un mit grote Wohrschienlichkeit nich heel opsetten kann. För da Katastrophen-Komitee kummt nu de Eernstfall, för den man sik all de Tiet praat maakt hett, den aver liekers nümms beleven wull. De Reddenskeed lööpt an, noch bevör de Fleger in Sicht is un all töövt ünner grote Spannen op de bevörstahnde Katastrooph. Opletzt passert, wat nicht hinnert waren kunn: De Fleger kummt woll na Sioux City, kann aver wegen de technischen Problemen nicht noog kontrolleert warrn un brickt bi de Landen twei. Mehr as 100 Minschen överleevt dat Unglück nich, aver düüdlich mehr künnt dör dat vörbildlich Tosamenspeel vun Füerwehr, Reddensdeenst, Krankenhüüs usw. reddt warrn.
Thematik
ännernDe Film arbeit en Katastrophenbegeevnis ut de Sicht vun verscheeden Bedeeligten op, wobi versöcht woorn is, en sachlichen un dokumentatorschen Stil intohollen. Groff kann de Film in veer Afsneden ünnerdeelt warrn. Toeerst warrt dat Komitee un jemehr Arbeit vörstellt mit all de Hinnern, de sik ut de Tosamenarbeit, Kommunikatschoonsproblemem un de Afgunst vun de Medien ergeven doot.
In’n tweeten Deel düüt sik de Katastrooph an. In’n Vördergrund steiht dat professchonelle Verhollen vun de Kru in’n Fleger un vun de Redders in Sioux City, de jemehr faken inövten Aflööp in Gang sett. Liekers warrt aver ok de Anspannen vun all Bedeeligten düütlich, in’n Angesicht vun de Katastrooph, de sik nich hinnern lett un mit grote Wohrschienlichkeit traagsch ennen warrt.
Dat Unglück sülvst nimmt den drüdden Deel vun’n Film in, in den de missglückte Landen wiest warrt, dat prompte Inleiden vun de Help un dat Redden un den Afloop vun de Arbeiten, de ok op dat eenfache Land to’n Deel ünner swoorste Bedingen stattfinnen mööt.
In den afslutenden veerten Afsnitt warrt de eersten Geföhlen oparbeit, to glieken Tiet aver ok de Tüdelkraam vun de apentlichen Neeschier vör den traagschen Achtergrund vörföhrt un blotstellt. In en düchtig pathetisch anleggten Sluss vermiddelt de Film den Dank an de veelen freewilligen Redders un Helpers.
De Film stellt sik in eerster Lien as es Hommage an de Idealisten dor, de freewillig jemehrn Insatz geven hebbt, üm en vörbildlich Reddensystem optoboen. Dat System wiest, as de Tiet dor is, dat dat ok wirklich bruukt warrt, wat Minschen schapen künnt, un dat dat stännige Öven nootwännig wesen is, üm all de Minschen to redden, de redd worrn sünd. Dat ümslutt de ganze Keed vun de Insatzplanen, över dat Mobiliseeren vun de Redders un Freewilligen un Dörföhren vun’t Redden bit hen to’n ordenten Aftransport, Versorgen, Schulen vun de Oppers un de Opbereiten dör de Presse un Medien.
Achtergrund un Trivia
ännern- De Film entstünn na en wohre Begevenheit mit den roren Fall, dat de Hydraulik vullstännig utfallen is. De Kapitän, sien Copilot un en Testpilot, de dör en Tofall jüst an Boord weer, künnen de Maschien blots noch dör ünnerscheedlich Schuuv mit de Drievwarken stüern. De Rodern weern all utfallen.
- In den Afsnitt, de de Nootlanden un dat Verunglücken vun den Fleger wiest, sünd originale Utsnitt vun dat Unglück inbunnen, de vun en Amateuerfilmer vör Oort maakt worrn sünd.
Utteken
ännernDe Film hett 1992 bi de Emmy-Verlehen den Pries für de Best Filmmusik vun en Fernsehfilm wunnen un is ok nomineert wesen in de Kategorien Best Regieleisten un Best Musikafmischen vun en Fernsehfilm.
Websteden
ännern- Crash Landing: The Rescue of Flight 232 in de Internet Movie Database (engelsch)