Déborah François
Déborah François (* 24. Mai 1987 in Lüttich) is en belgische Schauspelersche.
Leven un Wark
ännernFrançois is de Dochter vun en Polizist un en Sozialarbeitersche ut de belgischen Provinz un keem as middler’t vun dree Kinnern op de Welt. Mit fief Johren harr se al den eersten Kuntakt to de Schauspeleree, as se as Schneewittchen op de Bühn stünn[1]. Wiel de Schooltiet hett se later ok Theaterkursen besöcht[2]. Opwassen is se in Lüttich in Wallonien. In’t Johr 2005 is se vun de beiden Speelbasen Jean-Pierre un Luc Dardenne opdeckt worrn, de ehr de Fronshööftrull in den Speelfilm L’Enfant (dt.: Das Kind) geven hebbt. Dat Sozialdrama speel in den rünnerkamen Industrieoort Seraing, de nich wiet weg liggt vun François’ ehr Heimatstadt. Premier harr de Film 2005 bi dat Filmfestival vun Cannes woneem he vun de Kritik bannig loovt weer un mit de Goldenen Palm as besten Film uttekent. Man, ok François is för ehr Rull uttekent worrn.
De Schauspelersche hett dorna eerstmol dat Gymnasium afslaten, künn dorna aver mit ehr tweete Rull in den Thriller La tourneuse de pages (dt.: Das Mädchen, das die Seiten umblättert) an den Spood vun’n eersten Film ansluten. För ehr Rull hett se ünner annern Joseph L. Mankiewicz sien All About Eve, Pier Paolo Pasolini sien Teorema un de Warken vun Claude Chabrol studeert[2]. Ehr Mimik harr se op dat Speel vun Ogen un Mund reduzeert, wat ehr vele go’e internatschonale Kritiken inbröcht hett, de ehr Wannelborkeit loven deen[3]. För de Rull is se för den César as beste Nawassschauspelersche nomineert worrn.
In Stephan Carpiaux sien Drama Les fourmis rouges vun 2007 speel se en sössteihnjohrige Halfweet. Dat glieke Johr speel se in Dombais et fils vun Laurent Jaoui. Wieter weer se 2007 ok in de Jury vun’t 19. Europääsche Filmfestival vun Angers beropen[4]. Siether is se jümmer wedder mit veel Spood in Kino- un Feernsehprodukschonen to sehn.
Filmografie (Utwahl)
ännern| Johr | Titel | Synchroonsnacker |
|---|---|---|
| 2005 | L’Enfant dt.: Das Kind |
|
| 2006 | La tourneuse de pages dt.: Das Mädchen, das die Seiten umblättert |
Laura Maire |
| 2007 | Les fourmis rouges | |
| 2007 | Dombais et fils, Feernsehn | |
| 2007 | L’Été indien dt.: De indische Sommer |
|
| 2008 | Les femmes de l’ombre dt.: Female Agents – Geheimkommando Phoenix |
Ulrike Stürzbecher |
| 2008 | Le premier jour du reste de ta vie dt.: C’est la vie – So sind wir, so ist das Leben |
Luise Helm |
| 2009 | Unmade Beds dt.: London Nights |
Maria Koschny |
| 2010 | Mes chères études dt.: Studentin, 19, sucht… |
|
| 2011 | Memories Corner | |
| 2011 | Les tribulations d’une caissière | |
| 2012 | Populaire dt.: Mademoiselle Populaire |
Kaya Marie Möller |
| 2014 | Maestro | |
| 2016 | Fleur de Tonnerre | |
| 2017 | Loue-moi! |
Utteken
ännernOfschoonst Déborah François noch jung is un noch an’n Anfang vun ehr Loopbahn steiht, weer se al (mit Stand vun’n März 2012) al fiefmol för Filmpriesen nomineert. Wunnen hett se bit hüüt dree Priesen:
- 2006: den Jospeh-Plateau-Filmprijs in de Kategorie Beste belgische Schauspelersche för L’Enfant
- 2009: den César in de Kategorie Veelversprekenste Needorstellersche för Le Premier jour du reste de ta vie
- 2009: den Romy-Schneider-Pries
Weblenken
ännern
- Déborah François in de Internet Movie Database (engelsch)
- Interview bi dradio.de, 23. April 2009
- Interview bi outnow.ch, 2005
Borns
ännern- ↑ vgl. Zips, Martin: „Jetzt nicht, Mami“. In: Süddeutsche Zeitung, 21. Dezember 2007
- ↑ a b vgl. Lerf, Matthias: Zerstörerische Blondine. In: SonntagsZeitung, 28. Januar 2007, Kultur, abpfiff, S. 51
- ↑ vgl. Bradshaw, Peter: A score to settle. In: The Guardian (London), 3. November 2006, Guardian Film and Music Pages, S. 10
- ↑ vgl. Festival à Angers : La 19e édition du Festival d’Angers, qui a ouvert…. In: Les Echos, 24. Januar 2007, Telex, S. 13