Düütsch Scheperhund

De Düütsch Scheperhund oder Alsatian is en Scheperhund, de so as de Naam al seggt, ut Düütschland kümmt.

Düütsch Scheperhund
FCI - Standard Nr.166
Patronat	Düütschland
Klassifikatschoon FCI	Gruppe 1 Hödehunnen un Drievhunnen Sektion 1
Rassenaam na FCI	Düütsch Scheperhund
Schufthööcht	Rüde 60-65cm, Teev 55-60cm
Gewicht	30-40 kg, Teev 22-32 kg
List vun de Hunnenrassen

Beschrieven

De düütsch Scheperhund is middelgroot. De Teven schölt wat tüschen 55 cm un 60 cm groot, de Rüden wat tüschen 60 und 65 cm groot wäsen. Dat Lief is en bit wat lenger as hoog. De Lengd van de Rump en van de Schufthööcht sünt so in Relatschon van üm un bi 10 to 9. Wegen schölt de Tölen so van 22 kg af bet to 32 kg un de Rüden tüschen 30 un 40 kg. De Hund schall Kracht, Muskeln und dröög Knaken hebben. Dat güfft verschelen Farven bi de Hund: gääl or bruun met en swart Rügg, gans swart or graag (wor de Rügg denn meist wat dunkrer is). De Hoorn sünt kört or lang.

Upleiden un Verwennen

Düütsch Schäperhunnen sünt intelligent Hunnen en macklich uptoleiden. De meehrst Schäperhunnen leevt as Huushunnen. De Hunnen sünt gaatlich för verschelen Sportaarten so as Agility or Obedience. Mennigeen is averst ook för besünnerlich Upgaven traineert wurrn un deent bi de Polis or de Armee or föhrt de Blinnen dör de Werlt or hölpt met sien Nääs bi de Söök na Minschen.

Tucht

Düütsch Scheperhunnen güfft dat up de gans Werlt. In Düütschland würrn in de Johrn 2006, 2007, 2008 jümmers so üm und bi de 17.000 Welpen (van 86.000 – 90.000 Hunnen in't Geheel met Papeern van de Verband für das deutsche Hundewesen ) teelt.

Sundheed

De Hunnen levt so 10 Johrn or ok wat länger.

Herkumst

De Hund stammt af van Scheperhunnen, de noch Schapen hödden. Dat modern Tüchten füng so üm 1900 an. Fröher weern de Hunnen lichter un segen mehr uut as vandaag en Malinois ..

Literatur

• Hans Räber: Enzyklopädie der Rassehunde, Band 1. 2. Uplage. Franckh-Kosmos, Stuttgart 2001, ISBN 3-440-06555-3, S. 204–214.
• Eva-Maria Krämer: Der neue Kosmos-Hundeführer. 4. Uplage. Franckh-Kosmos, Stuttgart 2002, ISBN 3-440-07772-1, S. 216.
• Heiko Christian Grube: Deutscher Schäferhund. Das große Rassehandbuch. Müller Rüschlikon, Cham 2004, ISBN 3-275-01497-8.
• Ursula Zabel: Der Deutsche Schäferhund. Müller Rüschlikon, Cham 2001, ISBN 3-275-01407-2.
• Peter Brehm: Der Deutsche Schäferhund. 7. Uplage. Parey, Hamborg 1993, ISBN 3-490-02619-5.

Weblenken

• Musterknaben.net (hoochdüütsche, nich offizielle Datenbank över’t Afstammen vun Düütsche Scheperhunnen)
• Verein för Düütsche Scheperhunnen (SV)
• Scheperhundvereen RSV2000 e.V.