DW (Feernsehn)

DW (bit 5 .Februar 2012: DW-TV) is dat Utlandsfeernsehn vun de Düütsche Welle un dormit vun de Bundsrepubliek Düütschland.

Sennerlogo vun DW (Feernsehn) an 6. Februar 2012

Sennerlogo bit 5. Februar 2012

Mit DW-TV hett dat an’n 1. April 1992 anfungen as Nafolger vun RIAS-TV. Dat schull in dat Utland Informatschonen över Düütschland bringen.

Jede vulle Stünn gifft dat Narichten, ans Dokumentatschonen, Magazine un aktuelle Sendungen, 24 Stünnen jeden Dag un jede Stünn wesselt sik Hoochdüütsch un Engelsch as Spraak af. In Noord- un Süüdamerika ok jeden Dag twee Stünnen op Spaansch un över den Satellit Nilesat dree Stünnen op Araabsch. Blangen Nilesat geiht dat Programm ok över de Satelliten Hot Bird 6, Intelsat707, GE-1, NSS-K un digital över ASTRA op 19,2° Oost. Över Astra is DW (Feernsehn)denn ok in Düütschland to sehn. Ok över dat Internett kann’n dat Programm ankieken.

An 6. Februar 2012 hett sik Düütsche Welle en ne’en Naam geven un heet nu blots noch DW.

Weblenken

• Websteed vun DW (hoochdüütsch, engelsch)
• DW (Feernsehn) över Internett ankieken (hoochdüütsch, engelsch)