Dagmar Lurz
Dagmar Lurz, siet hör Heiraadt: Prott (* 18. Januar 1959 in Düörpm is en ehmalge düütsch Ieskunstlöperin, de in’t Eenzel antreeden is.
Lurz het bi Erich Zeller in Oberstdorf traineert, hör Vereen weer aber ERC Westfalen Dortmund. Van 1977 bit 1980 weer se ahn Ünnerbreeken düütsch Meesterin. 1977 wurr se bi de Ieskunstloop-Europameesterschaften 1977 in Helsinki Viez-Europameesterin achter Anett Pötzsch ut de DDR. Bi de Weltmeesterschap in Tokio 1977 keem se achter de US-Amerikanerin Linda Fratianne un Anett Pötzsch up den darten Platz. Bi de Europameesterschapen 1978 in Straßburg un 1979 in Zagreb keem Lurz jewiels weer up den tweeten Platz achter Anett Pötzsch un bi de Weltmeesterschapen in de Johren keem se jewiels up den veerten Platz. 1980 wurr se to’n veerten Mal Viez-Europameesterin (weer achter Anett Pötzsch), reck aber bi de Weltmeesterschapen van dat Johr to Huus in Düörpm ok den tweeten Platz achter Anett Pötzsch aber noch vör Fratianne. Bi de Olympisch Winterspelen 1980 bleev se aber weer achter de beid un reck de Bronzemedaille.
Lurz weer an’n besten bi dat Plichtprogramm, Körtprogramm un Kür weern wat swaaker.
Dagmar Lurz-Prott hett nahderhen Medizin an de Universität to Köln studeert un wee later ok as Punktrichterin tätig.