Hauptmenü öffnen

UtbillenÄnnern

Gardner kreeg 1970 en Bachelor in Technisch Physik vun de University of Illinois at Urbana-Champaign. Ansluutend is Gardner in de United States Navy intreeden un wurr dor to'n Marineflieger utbildt.

AstronautentätigkeitÄnnern

In' Januar 1978 wurr Gardner vun de NASA as Astronautenanwärter utwählt. Nah sien Utbillen to'n Missionsspezialisten hett he in de Softwareafdeelen arbeit un weer in de Ünnerstüttensmannschap för de Space-Shuttle-Mission STS-4 tätig.

STS-8Ännern

An' 30. August 1983 is Gardner mit de Ruumfähre Challenger to'n eersten Mal in't All flagen. De Mission STS-8 weer de eerste Floog vun en Space Shuttle, bi de sowohl de Start as ok de Landung in de Nacht weern. Kommandant vun de Mission weer Richard Harrison Truly, Pilot weer Daniel Charles Brandenstein, de ebenso as Gardner un de beid anner Missionsspezialisten Guion Stewart Bluford un William Edgar Thornton to'n eersten Mal in't All floog. De Mission düer bit to'n 5 Setember 1983. De Hööftfracht bestunn ut den indischen Mehrzwecksatelliten Insat 1-B.

STS-41-HÄnnern

De Mission STS-41-H sull in' September 1984 in' Updrag vun dat US-amerikaansch Ministerium för Verdefferenden dörführt wurrn oder stattdessen en TDRS-Satelliten utsetten. Wegen Problemen mit de IUS-Böverstuuf wurr de Mission afseggt. As Crew weern Frederick Hamilton Hauck, David Mathieson Walker, Joseph Percival Allen, Anna Lee Fisher, Dale Gardner un de Bruuklastspezialisten vun de US Air Force Gary Eugene Payton un Frank Casserino nomineert. As Ersatz-Bruuklastspezialist weer Daryl Joseph vörsehn.

De Crew ahn de Bruulastspezialisten gung denn to de Mission STS-51-A.

STS-51-AÄnnern

 
Dale Gardner hett af un to Satelliten verköfft

Sien tweeten un togliek letzten Ruumfloog hett Gardner an Bord vun de Discovery van' 8. November bit 16. November 1984 maakt. Bi de Mission STS-51-A wurrn twee Satelliten utsett un twee anner Satelliten wedder infangen, de bi de Mission STS-41-B up en to leeg Umloopbahn utsett wurrn weern. To dat Infangen vun de beid Satelliten hebbt Gardner un sien Kolleg Joseph Allen twee Butenbordinsatzen, so nömmt Weltruumspazeergänge maakt.

STS-62-AÄnnern

STS-62-A sull in' Juli 1986 as eerst Shuttle-Mission vun den Space Launch Complex 6 up de Vandenberg Air Force Base starten. Gardner weer mit de Discovery up de eerst Shuttle-Mission up en polaren Orbit flagen. De Floog wurr aber afseggt, nahdem sück dat US-Ministerium för Verdefferenden nah dat Challenger-Unglück ut dat Shuttle-Programm torüch truck. Ok later is kien Shuttle mehr vun de Vandenberg Air Force Base flagen.

Nah de NASAÄnnern

In' Oktober 1986 hett Gardner de NASA verlaaten un sien Militärdeenst bi den U.S. Strategic Command in Colorado Springs weer upnommen. He hett denn över twee Johr in de Space Control Operations Division up de Cheyenne Mountain Air Force Base deent un is in' Juni 1989 up de Peterson Air Force Base to de Space Control wesselt. In' Oktober 1990 is he in de Privatwertschap to TRW wesselt um dor as Programmmanager in de Afdeelen för Weltruum- un Verdefferendenstechnik to arbeiten.

PrivatesÄnnern

Dale Gardner weer Vader vun twee Kinner. He weer schett un is in' Februar 2014 in Colorado an en Gehirnaneurysma storven.

WeblinksÄnnern

  Dale Allan Gardner. Mehr Biller, Videos oder Audiodateien to’t Thema gifft dat bi Wikimedia Commons.

Enkeld NahwiesenÄnnern