Dalmunach
| Dalmunach | |
|---|---|
| Land | Schottland |
| Region | Speyside |
| Tyyp | Malt |
| Status | aktiv |
| Besitter | Pernod Ricard |
| Grünnt | 2014 |
| Grünner | Chivas Brothers Ltd. (Pernod Ricard) |
| Produkschoonsvolumen | 10.000.000 l[1][2] |
Dalmunach is en Whiskybrenneree in Carron in Moray, Schottland. Se is 2015 fardig stellt worrn un dorüm een vun de jüngsten Destillen in Schottland.
Historie
ännernDe Dalmunach Destille is an de Steed vun de Brenneree Imperial boet worrn, de bit 2012 an’n glieken Oort produzeert hett un 2013 afreten weer. Grünnt weer se vun Chivas Brothers Ltd., de to den Kunzern Pernod Ricard höört. De Imperial-Brenneree weer nich mehr op’n neesten Stand, so dat dat an’t Enn billiger weer, dat olle Ünnernehmen aftorieten un nee to boen. In’n Februar 2015 is kund doon worrn, dat de Bowarken to de Destille fardig stellt weern[2], brennt warrt in Dalmunach aver al siet Oktober 2014[2][3].
Produkschoon
ännernDe Brenneree Dalmunach höört to dat schottische Whiskyrebeet Speyside. In de Destille gifft dat en Meeschfatt mit en Dörmeter vun 9,5 Meter un sössteihn Gäärfatten ut Eddelstahl[1][2][4]. Brennt warrt in tohopen acht Brennblasen[1][2], de anners as in annere Brennereen, nich in en Reeg, man in en Krink tosamen staht.
De Whisky vun Dalmunach schall vör allen för de Blendwhiskys vun Chivas Brothers bruukt warrn, üm de stegene Nafraag afdecken to künnen. Dorünner sünd to’n Bispeel de Marken Chivas Regal, Ballantine’s un Royal Salute[4]. Dat Ünnernehmen hett noch nich künnigt maakt, wat dat ok en Single Malt ut de Brenneree geven schall.
Kiek ok
ännernBorns
ännern- ↑ a b c Dalmunach Distillery Opens op spiritofspeyside.com; afropen an’n 3. April 2016
- ↑ a b c d e Chivas stellt Dalmunach Distillery fertig, Februar 2015 op whisky-inside.com; afropen an’n 3. April 2016
- ↑ Chivas completes construction of Dalmunach distillery 13. Oktober 2014 op drinksint.com; afropen an’n 3. April 2016
- ↑ a b CHIVAS BROTHERS : NEW SPEYSIDE MALT WHISKY DISTILLERY 1. August 2015 op de Websteed vun Pernod Ricard; afropen an’n 3. April 2016
Koordinaten:57° 27′ N, 3° 18′ W