Diederich Christian Arnold von Zesterfleth
Diederich Christian Arnold von Zesterfleth (* 25. September 1750 op Good Bargfreed bi Jörk; † 9. August 1820 in Stood) weer en düütschen Jurist.
Von Zesterfleth is 1750 as Söhn von Adelgunde Wilhelmine Elisabeth, borene von Horn (April 1721-16. Mai 1801), un Arnold Sigismund von Zesterfleth (1. Juli 1700-22. Juli 1778) op Good Bargfreed boren. Dat Good weer Stammseet von de Familie von Zesterfleth. He hett Juristeree studeert. He weer von 1771 bet 1778 Auditer un von’n 15. März 1784 bet to sien Rohstand an’n 22. Februar 1817 Richter an dat Oberappellationsgericht Celle. Von 1817 bet 1819 weer he Präsident von de Ridderschop von dat Hertogdom Bremen.
Von Zesterfleth hett an’n 28. Mai 1779 in Wiegersen (Kaspel Obbens) Juliane Magdalene von Horn (18. Dezember 1760–7. Januar 1805) freet. De beiden hebbt de Söhns Heinrich Christian Arnold (8. Januar 1781-18. April 1848) un Carl Ludowig (* 30. Mai 1784) un de Dochter Louise Caroline Johanne Elisabeth (18. Oktober 1794-14. Dezember 1827) hatt. Na’n Dood von sien Swiegervader Claus Hinrich von Horn hett von Zesterfleth dat Good Wiegersen övernahmen.
