Dietrich Elvendahl
Dietrich Elvendahl (* 17. Juni 1605; † 11. August 1641 in Horborg) weer en düütschen Verwaltungsbeamten.
Elvendahl is an’n 17. Juni 1605 boren un an’n 24. Juni döfft worrn.[1][2] Sien Vader is doodbleven, as he noch jung weer. He is is Horborg, Lümborg un Hamborg op School ween. Na De School stünn he fiev Johr in’e Deensten von’n Horbörger Kanzler Johann von Drebber.[1] Na’n Dood von sien Steefvader Caspar Lamperswald hett Elvendahl sien Steed as Tollinnehmer övernahmen.[1] As later de Steed as Huusvaagd von de Slottvaagdie Horborg free worrn is, hett he dit Amt 1627 övernahmen, wat he aver blots bet 1628 ween is.[2]
He weer von 1628 bet 1629 Amtsschriever un von 1629 bet to sien Dood 1641 Amtmann von dat Amt Horborg.[2] Von 1633 bet to sien Dood weer he tosätzlich Amtmann von dat Amt Mesborg.[3]
1639 hett he de Kanzel von de Kark in Mesborg stift.
Elvendahl hett an’n 21. Oktober 1627 Elisabeth von Lümborg (Dochter von Otto III. von Bruunswiek-Horborg) freet.[4][1] De beiden harrn dree Kinner.[3] An’n 27. Juli 1641 is en swoor Fever bi em utbraken.[4] He is an’n 11. August 1641 doodbleven un an’n 22. August begraven worrn.[1]
Elvendahl hett en Huus bi dat Ole Door in Horborg an de Möhlenstraat tohöört, dat na sien Dood siene Fro arvt hett.[4] De hett 1644 in twete Eh den Hauptmann Joachim Tiele freet, in den sien Besitt dat Huus övergahn is.[4] Later is dat Huus, dat noch bet 1898 stahn hett, Förstenhuus nöömt worrn.[4]
Literatur
ännern- Arthur C. Förste: Auf den Spuren eines Harburger und Moisburger Amtmanns im Dreißigjährigen Kriege. in Harburger Jahrbuch VI, Helms-Museum, Horborg 1956, Sieden 107ff
Footnoten
ännern- ↑ a b c d e Gustav Früh, Hans Goedeke, Hans Jürgen von Wilckens: Die Leichenpredigten des Stadtarchivs Braunschweig: Eidele bis Grisius. Hannover 1978, Sied 691
- ↑ a b c Dietrich Kausche: Harburger Erbregister von 1667: ein Dokument zur Geschichte des alten Amtes Harburg, seiner Dörfer, Höfe und Bauern. Vereen för Hambörgsche Geschicht, 1987, Sied 49, Sied 147
- ↑ a b Harburger Jahrbuch Band 19, 1996, Sied 58
- ↑ a b c d e Veröffentlichungen des Helms-Museums. Utgaav 18, Helms-Museum, 1988, Sied 55
