Amt Mesborg
Dat Amt Mesborg weer en Verwaltungsrebeed in dat Förstendom Lümborg un in dat Königriek Hannover mit Seet in Mesborg binnen de Landdrostie Lümborg, dat bet 1859 bestahn hett. Dor hett groff dat Rebeed von de Samtgemenen Hullnst un Töst, von de Gemeen Vosshusen un en Deel von de Gemeen Buxthu tohöört.
Dat Leid över dat Amt harr en Amtmann, de twete Beamte weer bet 1816 de Amtsschriever.
Geografie
ännernIn’n Noorden von dat Amt legen de Stadt Buxthu, dat Grevengericht Oolland un dat Gericht Rübk, in’n Noordoosten dat Gericht Francop, in’n Oosten un Süden dat Amt Horborg, in’n Süüdwesten dat Amt Zeven, in’n Westen dat Gericht Delm un in’n Noordwesten de Vaagdie Oold- un Neeklooster von dat Amt Harsfeld (Stand 1848).
Bet 1852
ännern1848 weer dat Amt so 255,40 km²[1] groot.
1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Nedderelv in dat Königriek Westfalen höört un denn to dat Departement von de Elvmünnen un direkt to Frankriek. Dat Amt Mesborg is twüschen de Kantone Buxthu un Töst opdeelt worrn. Mesborg sülvs weer in disse Tied de Seet von en Mairie in’n Kanton Buxthu. 1813 müssen de Franzosen dat Amt denn opgeven un de ole Stand is wedderkamen.
1848 hett dat Amt 50 Morgen Land von dat Amt Harsfeld tokregen. Düt Land weer al bi de Gemeenheitsdelung 1828 de Öörd Eindörp, Ooldklooster, Imbeek un Lümbörger Schanz in dat Amt Mesborg tofullen.[2]
|
|
1852-1859
ännernDat Amt Mesborg hett bi de Verwaltungs- un Justizreform an’n 1. Oktober 1852 in dat Königriek Hannover Rebeed tokregen. To dat Amt Mesborg sünd de Gemenen Avens, Boitschen, Kamp, Duhrn, Evstörp (mit Kallmoor, Hollinde un Veloh), Groot Todtshorn (mit Lütt Todtshorn un Haßel), Handörp (mit Hökel un Wörm), Lauenbrüch, Lohbargen, Makensbrook, Otter (mit Schillingsbossel, Riepshoff un Knick), Seppens, Steenbeek (mit Meilsen), Glüsen (mit Hinkenbossel, Langeloh, Nedderndörp), Töst (mit Wüstenhöben), Will, Wist (mit Quellen) un Wümm ut de Vaagdie Töst in dat vörherige Amt Horborg tokamen.[3]
As Gericht för dat Amt is to’n 1. Oktober 1852 dat Amtsgericht Töst inricht worrn.
Na 1859
ännern1859 bi de nächste Verwaltungsreform is dat Amt denn oplööst un Deel von dat ne’e Amt Töst worrn.
Inwahnertall
ännern| Johr | Inwahners |
|---|---|
| 1810[4] | 3.886 Lüüd, 403 Füürsteden |
| 1848[1] | 4.890 Lüüd, 751 Hüüs |
| 1856[5] | 9.551 Lüüd, 1.462 Hüüs |
Amtlüüd
ännern- 1633–1641: Dietrich Elvendahl
- 1692–1729: Ernst Andreas von Cronhelm
- 1730–1738: Andreas Heinrich von Cronhelm
- 1738–1745: Friedrich Engelhard Koch[6]
- 1742–1752: Werner Adolph Gottlieb von Spörcken
- ~1761: Wilhelm Diedrich Ludowig
- 1770–1790: Johann Ludwig Wolf
- 1791–1797: Claus von Klenck
- 1797–1830: Heinrich Ludwig Sarnighausen (Na’n Dood von Amtmann Sarnighausen is överleggt worrn, dat Amt Mesborg mit dat Amt Horborg tohooptoleggen, dorüm hett dat mehr as een Johr duurt, bet dat en ne’en Amtmann geven hett.)
- 1831–1834: Christoph Friedrich Sarnighausen
- 1834–1838: Georg Nanne
- 1838–1839: Claus von der Decken
- 1839–1845: Amtsassesser Heinrich Holtzermann
- 1845–1859: Carl Anton Ludwig von Hinüber
Amtsschrievers
ännern- 1776–1777: Just Matthias Heinrich Brauns
Literatur
ännern- Theodor Benecke: Historisch-topographische Nachrichten über das ehemalige Amt Moisburg. Harburg 1908.
- Willi Meyne: Die ehemalige Hausvogtei Moisburg. Geschichte ihrer Dörfer und Höfe. Hrsg.: Helms-Museum, Harburg-Wilhelmsburg. Band 2. J. Vetterli, Buxthu 1936.
Footnoten
ännern- ↑ a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 99: http://books.google.de/books?id=eOI-AAAAcAAJ&pg=PA99
- ↑ Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 167
- ↑ Freiherr von Hammerstein: Hannoversche Gesetzgebung über Staats- und Gemeinde-Verwaltung. 1852, Sied 59: http://books.google.de/books?id=8ihGAAAAcAAJ&pg=PA59
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 135: https://books.google.de/books?id=c24IAAAAQAAJ&pg=PA135
- ↑ Hof- und Staatshandbuch für das Königreich Hannover. 1856, Sied 535: http://books.google.de/books?id=ywVTAAAAcAAJ&pg=PA535
- ↑ „1713 Studium in Jena; seit 1728 im Amt Calenberg bei Wennigsen; 1738–1745 Amtmann in Moisburg; nach dem Kirchenbuch erschoß er sich in “hypochondricher Melancholi” mit einer Schrot-Pistole“ [1]
Stadt Borgdörp | Stadt Celle | Stadt Dannenbarg | Stadt Gifhorn | Stadt Horborg | Stadt Lüchow | Stadt Lümborg | Stadt Ülzen | Stadt Winsen
Amt Ahlden | Amt Addelborg* | Amt Bargen | Amt Bedenbossel* | Amt Bleikd | Amt Bondiek* | Amt Borgdörp | Amt Borgwedel | Amt Celle | Amt Clenze* | Amt Dannenbarg | Amt Ebstörp* | Amt Eikeln* | Amt Fallersläm | Amt Fambossel | Amt Gartow | Amt Gifhorn | Amt Hittfeld* | Amt Hitzacker* | Amt Horborg | Amt Ilten* | Amt Isenhagen | Amt Knesbeck* | Amt Lüchow | Amt Lüün/Lümborg | Amt Medingen | Amt Maanze | Amt Mesborg* | Amt Neehuus | Amt Ollenstadt | Amt Papendiek* | Amt Parrns* | Amt Rethen* | Amt Soltau | Amt Solzhusen* | Amt Töst | Amt Willemsborg* | Amt Winsen an de Aller* | Amt Winsen an de Luh | Amt Wustrow*
* bet 1859