Diskuschoon:Drebber

Bi dat Neddersassische Wöörbook öbrigens as Drewwer. --::Slomox:: >< 01:12, 29. Apr. 2008 (CEST)

De hefft ja ok Braav statts Burhoop. Ik fraag mi, wo de so wat her hefft...--Bolingbroke 17:41, 29. Apr. 2008 (CEST)

Normalerwies schöölt de all vun Lüüd wesen, de in disse Öörd leevt (un meisttiet ok al jümmer leevt hebbt). Över Fraagbagens hebbt se dat maakt. Verlaten kannst di dor aver nich jümmer op. Süht ut, as wenn to'n Bispeel af un to de Lüüd de Fraag na'n Naam vun dat Dörp nich richtig verstahn hebbt un denn den hoochdüütschen Naam bi de Dialektform indragen hebbt, gifft söven -dorfs in Neddersassen (twee dorvun hebbt -dorf un bi en twete Fraagbagenakschoon denn wedder -dörp). Af un to steiht dor denn ok to'n Bispeel (bi hd. Borssum) Borssum, älter Börß'n. Gifft also doch Erosion bi de Naams. Villicht is dat hier datsülve... Oder eenfach blot en Fraag vun de Schrievwies, dat de Luud so'n beten twischen ww un bb is. Seggen kannst dat allens nich, solang du keen opminnst achtig Johr olen Buur ut Drewwer/Drebber bi'e Hand hest, de in sien Leven noch keen Satz op Platt leest hett un as Mudderspraak blot Plattdüütsch snackt. De kann di denn seggen, wat sien Grootvadder seggt hett, wat he sülms seggt un wat de jungen Lüüd (also so bi sösstig Johr oder wat ;-) ) seggt. --::Slomox:: >< 19:39, 29. Apr. 2008 (CEST)

Maakt för mi schon Sinn: Dat, wat na Sass mit "v" schreven warrt (schreven is jüst so en Bispeel) snackt wi bi uns to Huus as en "b" ut. Wi seegt schrieben. Dat "v" warrt in’t Hoochdüütsche aver normalerwies as "w" utsnackt... un schon hest Du ut Drebber Drewwer maakt... --Iwoelbern 19:54, 29. Apr. 2008 (CEST)