Diskuschoon:Gemeen Boitzen

De Naamsstamm kummt vun dat oolthoochdüütsche „Buten“ oder „Putirik“, wat Slauch bedüüt. Dat kann nu gornich angahn. Steiht so ok op de Websteed von de Gemeen, is aver liekers Tüdelkraam. Bötersen liggt in Noorddüütschland un dor hett fröher nüms oolthoochdüütsch snackt. Buten un Putirik sünd nu ok twee temlich verscheden Wöör. Un wat schall dat Motiv wesen, en Oort Slauch-husen to nömen? Dat steiht dor ok nich. Ik bün keen Expert för Toponomastik, aver son beten Laienweten heff ik doch un dat höört sik allens nich plausibel an. Höört sik an, as wenn disse Etymologie von en Laien (mit wenig Laienweten) opstellt worrn is. Ik bün för ganz rutnehmen, wenn wi keen Infos finnt, de dat en beten plausibler vertellt. --::Slomox:: >< 11:54, 11. Mär 2011 (CET)

Mit de Saken kenn ik mi nu nich goot ut, man wenn de Gemeen dat so op jemehr Websteed schrifft, schient dat de Ansicht to wesen, de dor woll wohrhaftig vertreden warrt. De betere Weg weer woll denn, de Twievel direkt bi de Gemeen vörtobringen und to höörn, woeneem de dat hernahmen hebbt. Wenn dat Tüdelkraam is, denn weer dat jo sinning, wenn de dat denn ok vun jemehr Seit rünner nehmen deen. --Iwoelbern ✍ 12:44, 11. Mär 2011 (CET)